Պետք է իրոք միավորվենք, ձևավորենք իրական դիմադրություն՝ օր առաջ հասնելու այս իշխանության հեռացմանը ․ Իշխան Սաղաթելյան

«Հավատալ  իշխանությունների խոսքերին  ինքնախաբեություն է , հույս ունենալ, որ  այս իշխանություններով հնարավոր է երկիրը դուրս բերել ստեղծված իրավիճակից անհեռատես, անհեռանկար, սին հույսեր են։ Ի՞նչ պետք է անենք , պետք է իրոք միավորվենք , գծենք այն կարմիր թելերը , որոնց մասին այս ամբիոնից բազմաթիվ անգամ խոսվեց , ձևավորել իրական դիմադրություն, համազգային ու համաժողովրդական պահանջ, օր առաջ հասնել այս իշխանությունների  հեռացմանը»,-խորհրդրանում հրավիրված քննարկման ժամանակ իր ելույթում նշեց ԱԺ փոխնախագահ Իշխան Սաղաթելյանը։

« Շատ խոսվեց միասնության մասին , մենք բազմաթիվ անգամ հայտարարել ենք  , կրկին հայտարարում եմ՝ սա մեկ ուժի, մեկ մարդու, մեկ կազմակերպության խնդիր չէ, սա հայ ժողովրդի խնդիրն է։ Այստեղ կան բազմաթիվ մարդիկ, կուսակցության ներկայացուցիչներ, տարբեր  ոլորտների մարդիկ, մեզ բոլորիս միավորել է Հայրենիքի փրկության գաղափարը։ Այս օրերին կարևոր խնդիրներից է ձևավորել պահանջ՝  ցույց տալով, որ այս իշխանությունները չունեն մանդատ երկիրը տանելու նոր զիջումների, նոր կապիտուլյացիայի։ Բազմաթիվ անգամ իշխանականները  հնչեցրել են՝  «ժողովրդի կողմից ունենք վստահություն, անելու ենք այն, ինչ ուզելու ենք» , մեր խնդիրն է, որ մեր պահանջը դարձնենք  ժողովրդական պահանջ և ցույց տանք որ չունեն այդ մանդատը»,-ասաց Իշխան Սաղաթելնաը։

Ավարտելով խոսքը ԱԺ փոխնախագահն ընդգծեց․

«Մենք առաջնորդվում ենք մեկ սկզբունքով ՝ ով մեր ծրագրերին դեմ չէ , ով մեզ դեմ չէ  մենք իր կողքն ենք, իր հետ ենք՝ հանուն Հայաստանի և Արցախի»։

Մանրամասն՝ տեսանյութում։