14  03  2020

Կա ծրագիր՝ խուճապ սերմանել, հետաձգել ընտրությունները․ Վիտալի Բալասանյան

Կա ծրագիր՝ խուճապ սերմանել, հետաձգել ընտրությունները․ Վիտալի Բալասանյան

Արցախի նախագահի թեկնածու Վիտալի Բալասանյանի հայտարարությունը

«Հարգելի հայրենակիցներ,
Ես, կորոնավիրուսի տարածման ռիսկի կապակցությամբ, պատկան մարմիններին կոչ եմ անում մոբիլիզացնել և միջոցներ ձեռնարկել `մեր քաղաքացիների անվտանգությունն ապահովելու համար:
1. Անհրաժեշտ է ուժեղացնել սահմանին գործող բժշկական հսկողության կետերը:
2. Ձեռնարկել միջոցառումներ հիվանդությունը կանխարգելելու ուղղությամբ:

Անվտանգությունն առաջին հերթին և ամենակարևորը կյանքի ու առողջության անվտանգությունն է:
Ես արդեն հանձնարարել եմ իմ նախընտրական շտաբների ղեկավարներին տարածել տեղեկատվական թերթիկներ՝ հիվանդության կանխարգելման միջոցառումների մասին: Հորդորում եմ մյուս թեկնածուներին միանալ այս գործընթացին։ Կանխարգելման միջոցառումների մասին կարող եք ծանոթանալ ԱՀԿ-ի պաշտոնական կայքից։

Այնուամենայնիվ, մենք բոլորս հասկանում ենք, որ ստեղծված իրավիճակը լավ հիմք է տարբեր շահարկումների համար:
Ընտրությունների արդյունքը գնալով դառնում է անկանխատեսելի։ Հայաստանի ղեկավարության համար անցանկալի թեկնածուի ընտրվելու հեռանկարը հիմք է տալիս դիմել մանիպուլյացիաների: Մեզ հասած տեղեկություններով կա ծրագիր՝ խուճապ սերմանել, կոչ անել դադարեցնել քարոզարշավը, իսկ այնուհետև ՝ հետաձգել ընտրությունները:

Արցախի իշխանություններին կոչ եմ անում լինել կայուն և սկզբունքային:
Մենք թույլ չենք տա մանիպուլացնել մեզ:
Մենք թույլ չենք տա չեղարկել ընտրությունները:

Սիրելի արցախցիներ,

Միայն ուժեղ կառավարությունը ի վիճակի է ձեռնարկել անհրաժեշտ միջոցներ ցանկացած տեսակի սպառնալիքների դեմ `լինի դա պատերազմ, հիվանդություն կամ այլ վտանգ»։ 



ԱՀ նախագահի թեկնածու Վիտալի Բալասանյան

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ