Ինքնաոչնչացման ճանապարհի դեմն առնել հնարավոր է համահայկական լուրջ ճակատ ձևավորելով․ Ռուստամյան

Ազգային ժողովում լրագրողների հետ զրույցի ընթացքում այսօր` փետրվարի 27-ին,  «Հայաստան» դաշինքի պատգամավոր Արմեն Ռուստամյանը հայտարարեց․ 

«Մենք չենք ասում, որ խաղաղությանը դեմ ենք, բայց այդ խաղաղությունը պետք է ունենա երկկողմանի ընկալում։ Մարդիկ պետք է տեսնեն, որ այս ամեն ինչից ելք կա, այսօրվա իշխանության քարոզչության, վարած քաղաքականության միջոցով անելանելիության վիճակ է ստեղծվել, մենք մի անպաշտպան զանգված ենք, որը ստիպված պետք է բավարարի հարևաններրի պահանջները, պետք է փոխենք մեր պատկերացումները հայրենիքի, պետության մասին, պետք է հռչակագիր փոխենք, հրաժարվենք այն ամենից, ինչը մեր ինքնությունն է բնորոշել, որպեսզի կարողանանք այս տարածքում մեր գոյությունը պաշտպանել։ Մենք ասում ենք՝ սա կործանարար, ինքնաոչնչացման ճանապարհ է, սրա դեմը պետք է առնել համահայկական իսկապես լուրջ ճակատ ձևավորելով»:

Ըստ նրա՝ ՀՀ այսօրվա իշխանությունները լեգիտիմ չեն․

«Ես վստահ չեմ, որ այն պարզ հաստատումը, որ այս մարդիկ լեգիտիմ չեն, բոլորը հասկացել են։ Հայ ժողովուրդն իրենց ձայն է տվել մի բանի համար, այս մարդիկ բոլորովին այլ բան են իրականացնում»,- ասել է պատգամավորը։

Մանրամասն՝ տեսանյութում։