Կարտոֆիլի գինը կբարձրանա․ Հրաչ Բերբերյան․ «168 Ժամ»

«168 Ժամ»-ը գրում է․ «Ագրարագյուղացիական միավորման նախա­գահ Հրաչ Բերբերյանը համոզված է՝ այս տա­րին անհաջող է եղել կարտոֆիլի արտադրու­թյան համար: Նրա խոսքով՝ կարտոֆիլի գինն առաջիկայում կբարձրանա, կտատանվի 250-300 դրամի սահմաններում: 

«Դաշտից այս պա­հին կարտոֆիլ հնարավոր է ձեռք բերել 130 դրամով,- մեր թղթակցի հետ զրույցում ասել է Հրաչ Բերբերյանը՝ մանրամասնելով,- նման վի­ճակը շոգ եղանակի, ցանքատարածություննե­րի պակասի հետևանքով է: 3300 հեկտարով կամ 15 տոկոսի չափով պակասած կարտոֆիլի ցանքատարածությունների պատճառը ցեց վնասատուներն են:

Կա նաև ջրի խնդիր: Պետք է ՀԷԿ-երի հարցերը լուծեին, որը չեն արել: Ինչ վերաբերում է շոգ եղանակին, ապա ասեմ, որ բարձր ջերմաստիճանի պատճառով է պալարա­գոյացումը կանգ առնում, ոչ թե, ինչպես ՀՀ գյուղնախարարության «սարսաղներն» են ասում, դաշտերն են չորանում... Կարտոֆիլը մեղմ կլիմա սիրող կուլտուրա է»: 

Հրաչ Բերբերյանի խոսքով՝ շոգերի պատճառով խնդիր կար նաև լոլիկի դեպքում: «Միայն այս տարի ՀՀ Ազ­գային վիճակագրական ծառայության տվյալնե­րով 1730 հեկտարով պակասել է լոլիկի ցան­քատարածությունը: Ընդհանուր առմամբ հան­րապետությունում անցյալ տարվա համեմատ 6500 հա ցանքատարածությունների պակաս ու­նենք. դա և´ վարունգն է, և´ պղպեղը, և´ սմբուկը: Այ, թող այս ամենի մասին մտածեն»,- նշել է նա»։

Նյութն ամբողջությամբ կարդացեք «168 Ժամ»-ում։