Տոկաևը որոշում կայացրեց 5 տարի չբարձարացնել վերնախավի աշխատավարձերը. Փաշինյանը մտածելու բան չունի՞․ Zham.am

Zham.am-ը գրում է․

Ղազախական վերջին իրադարձությունները դեռ մեծ հետք կթողնեն հետխորհրդային երկրների վերնախավերի վրա: Ղազախստանում դա հենց այսօր է սկսվել: Երեկ, օրինակ, Ղազախստանի նախագահ Կասիմ-Ժոմարտ Տոկաևը հայտարարել է, որ քաղաքական և պետական ղեկավարների, պատգամավորների և բարձրաստիճան պետական ծառայողների աշխատավարձերը գալիք հինգ տաիների ընթացքում չեն բարձրանա: Ղազախստանի նախագահն դա հիմնավորեց այն հանգամանքով, որ երկրում սկսվելու՝ լուրջ պայքար սոցիալական արդարություն հաստատման  համար:

Նշվեց նաև, որ տնտեսության մեջ սկսվելու է լուրջ հակամենաշնորհային պայքար, որպեսզի երկրի տնտեսության բոլոր սուբյեկտները ունենան հավասար պայմաններ, ինչը նշանակում է, որ Ղազախստանի նախկին նախագահ Նուրսուլթան Նազարբաևի կլանը պետք է ապամոնտաժվի:

Նախկինում արդեն որոշում էր կայացվել հեղուկ գազի գնի բարձրացման չեղարկման վերաբերյալ:

Հիշեցնենք, որ այսօր հեղուկ գազի գինը Ղազախստանում ավելի քան երեք անգամ եժան է, քան Հայաստանում:

Իսկ ահա ղազախների կենսամակարդակը երկու անգամ բարձր է քան մեզ մոտ: Հայաստանում մեկ շնչի վրա ՀՆԱ-ի ցուցանիշը՝ 4600 դոլար է, իսկ նրանց մոտ՝ 9000 դոլար:

Այսօր բոլոր նախկին ԽՍՀՄ երկրների ղեկավարները հետևություններ են անում այս ամենից: Հետաքրքիր է իսկ ի՞նչ է մտածում Նիկոլ Փաշինյանը, ով մարդկանց կենսամակարդակի բարձրացման վերաբերյալ  ճոխ խոստումներով էր հանդես գալիս, երբ իշխանության մեջ չէր, իսկ վերջին երեք տարիների ընթացքում, բացառապես սեփական շրջապատի աշխատավարձերի բարձրացմամբ էր զբաղված:

Թե՞ կարծում է, թե հայերը ղազախներ չեն և ապրում  են դեռ Պուշկինի կողմից ակնարկած պահվածքով: