Կառավարությունը մերը մերժում է, ինքը նույնն է առաջարկում՝ ցածր որակով․ Պատգամավոր

ՀՀ Ազգային ժողովի «Լուսավոր Հայաստան» խմբակցությունն առաջարկում էր զորացրված զինծառայողների առողջական համալիր փորձաքննություն անցկացնել՝ դա օրենսդրորեն ամրագրելով։ Ըստ առաջարկվող փոփոխությունների՝ պարտադիր զինվորական ծառայության ժամկետը լրանալու հիմքով զինվորական ծառայությունից արձակված շարքային և սպայական կազմերի պարտադիր զինծառայողներն անցնում են առողջական վիճակի համալիր հետազոտություն և բժշկական փորձաքննություն՝ զինվորական ծառայությունից արձակվելուց անմիջապես հետո, սակայն ոչ ուշ, քան արձակվելուց մեկ օրացուցային ամսվա ընթացքում: Եթե պարզվի, որ զինծառայության ընթացքում զինծառայողի մոտ առողջական խնդիրներ են առաջացել, ապա պետությունը պարտավոր է հոգալ այդ ծախսերը:

Կառավարությունը մարտի 29-ի նիստում բացասական եզրակացություն տվեց, սակայն օրեր անց կառավարությունն ինքը ներկայացրեց նման նախագիծ։

Ազգային ժողովի՝ ապրիլի 16-ի նիստում, իրենց նախագծի մերժման շուրջ ելույթ ունենալիս, «Լուսավոր Հայաստան» խմբակցության պատգամավորները կառավարությանը մեղադրեցին գրագողության մեջ։

Մանրամասն՝ տեսանյութում։