Ադրբեջանցի «բնապահպանների» ակցիան և բրիտանական հետքը

Բրիտանական Anglo-Asian Mining Plc ընկերությունը, որը զբաղվում է Ադրբեջանում ոսկու, արծաթի եւ պղնձի արդյունահանմամբ, կարող է դիմել դատարան «Ղըզըլբուլաղ» («Կաշեն Դրմբոն») հանքավայրի ապօրինի օգտագործման հետ կապված, գրում է ադրբեջանական ԱՊԱ գործակալությունը:

«Առայժմ դժվար է ասել՝ հայցը նախաձեռնվելու է Ադրբեջանի կառավարության կողմից, թե հենց Anglo-Asian Mining Plc-ի կողմից։ Միաժամանակ անհրաժեշտ է ճշտել վնասի չափը։ Սակայն առայժմ այնտեղ հետազոտություն անցկացնելու հնարավորություն չկա», - հայտարարել է ընկերության ֆինանսական տնօրեն Իլհամ Խալիլովը։

Նշվում է, որ քաղաքական հարցերի լուծվելուց հետո ընկերությունը հետազոտական աշխատանքներ կսկսի «Ղըզըլբուլաղ» և դրա վերին մասում գտնվող «Դեմիրլի» հանքավայրերի տարածքում (այսպես են ադրբեջանցիներն անվանում Արցախի տարածքում գտնվող Դրմբոնի և Կաշենի հանքավայրերը-խմբ.):