19 10 2022

Իսկ Մանկավարժականում միվորումից գոհ են․ իրենց են միանալու

Մանկավարժական համալսարանում կայացավ բուհի Գիտական խորհրդի ընդլայնված նիստը։ Օրակարգում Վ․ Բրյուսովի անվան լեզվաբանական համալսարանը, Հայաստանի Ֆիզիկական կուլտուրայի և սպորտի պետական ինստիտուտը Մանկավարժական համալսարանին միավորելու հարցն էր։ Այս մասին նշված է Մանկավարժական համալսարանի տարածած հաղորդագրությունում։

Նիստին մասնակցում էին նաև ԿԳՄՍ նախարարի տեղակալներ Ժաննա Անդրեասյանն ու Կարեն Թռչունյանը։ Վերջինս նախ վստահեցրեց՝ համալսարանների միավորման գաղափարի մասին բուհերի ղեկավարները տեղեկացված եղել են, իսկ որոշման նախագիծը շրջանառության մեջ է դրվել հոկտեմբերի 7-ից։ Փոխնախարարը նշեց, որ բուհերը միավորելու բարեփոխումների նպատակն է ունենալ կոնկրետ ուղղվածություններով բուհեր․ մանկավարժական ուղղվածությամբ նորաստեղծ բուհի հենքը պետք է լինի Մանկավարժական համալսարանը։

«Գիտական խորհրդի ընդլայնված նիստի մասնակիցները փոխնախարարներին ուղղեցին բուհերի միավորմանը վերաբերող մի շարք հարցեր։ Դրանք հիմնականում վերաբերում էին գիտական նույն ուղղությունը սպասարկող ամբիոնների միավորմանը, մանկավարժի մասնագիտության հանդեպ հետաքրքրության բարձրացմանը, Մանկավարժականում ոչ մանկավարժական ուղղվածությամբ մասնագիտությունների ապագային, ինչպես նաև նորաստեղծ բուհի անվանմանը և դրանցից բխող մի շարք հարցեր։

Փոխնախարարները վստահեցրին՝ պատրաստակամ են լսելու բոլոր բուհերի առաջարկները, տեսակետները, մտահոգություններ, մոտեցումներն ու հիմնավորումները, քննարկելու տարակարծություններ առաջացնող դրույթները։

Գիտական խորհրդում ընդունվեց որոշում, որի համաձայն՝ բուհը պատրաստակամ է իր ներուժով աջակցել բուհերի միավորման գործընթացին, առաջարկների ու հիմնավորումների միջոցով անմիջական մասնակցություն ունենալ բուհերի միավորման գործընթացին՝ ի շահ մանկավարժական բարձրագույն կրթության զարգացման»,- ասվում է Մանկավարժական համալսարանի տարածած հաղորդագրությունում։

Հիշեցնենք, որ կառավարությունը նոր նախաձեռնությամբ է հանդես եկել, որով Երեւանի Վալերի Բրյուսովի անվան լեզվագիտական պետական համալսարանը եւ Ֆիզկուլտ ինստիտուտը միավորվում են Մանկավարժական պետական համալսարանի հետ: Բրյուսովի անվան համալսարանի ուսանողներն ու դասախոսական կազմը մի քանի օր շարունակ բողոքի ակցիաներ են իրականացնում՝ բողոքելով այդ միավորման դեմ:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Մանկավարժական | միավորում

Դիտել նաև

Մամուլի տեսություն 26 04 2022

Այսօր պետք է միաբանվել մեկ խնդրի շուրջ` այս իշխանությունը պետք է հեռանա. «Փաստ»

Ներքին մարտահրավերները միտված են մեր զգոնությունը, հայ հասարակության մեջ մնացած արժանապատվության կարևոր հիմքերը թուլացնելուն

Հասարակություն 22 07 2021

Միավորումներ կան, որ փրկություն են․ Դումանյանը՝ թատրոնների միավորման մասին

Թատրոնների միավորումը խիստ հիմնավոր է և բխում է ոլորտի շահերից․ ԿԳՄՍ նախարարի ԺՊ

Մամուլի տեսություն 20 04 2021

Նոր համայնքներ կմիավորվեն․ «Ժողովուրդ»

Ինչ փոփոխություններ են սպասվում

Իրավական 24 08 2020

Իշխանությունը մեկ կրակոցով երկու նապաստակի հարց է լուծում. Գոհար Մելոյան

Իշխանության նպատակը իրեն ենթակա մեկ ատյան ունենալն է. սահմանադրագետը՝ ՍԴ-ի և Վճռաբեկ դատարանի հնարավոր միավորման մասին

Քաղաքական 20 08 2020

Օրակարգ՝ միավորման համար. դադարել «կռվել» 80-ականների պատկերացումներով. Վահե Հովհաննիսյան

Հայաստանում պետք է ձևավորվի փոփոխությունների գաղափարը կրողների հանրային շերտ. գնահատական

Քաղաքական 16 06 2020

«Բարգավաճ Հայաստան»-ը կիսում է ընդդիմադիր ուժերի մտահոգությունները

Եկել է բոլոր առողջ ուժերի ջանքերը միավորելու ժամանակը․ ԲՀԿ