Պետք է վերականգնել Հայաստանի տարածքային ամբողջականությունը ցանկացած գնով, գինն այլևս կարևոր չէ․ Ղազինյան

«Մենք  պետք է վերականգնենք մեր պետության տարածքային ամբողջականույթյունը , պետք է երաշխավորենք Հայաստանի հարավը  հյուսիսի հետ , կենտրոնի հետ կապող ճանապարհի անխափան օգտագործումը։   Առաջնային պայման պետք է դրվի վերադառնալ  նոյեմբերի 9-ի դիրքերին, այն է բոլորը մնում են իրենց տեղերում։ Պետք է Ադրբեջանը հետ քաշվի 11 կմ ,  հայկական ուժերը վերադառնան այնտեղ, որտեղ գտնվում էին նոյեմբերն 9-ի համաձայնագրի ստորագրման պահին»,- խորհրդարանում լրագրողների հետ զրույցում նշեց «Հայաստան»խմբակցության պատգամավոր Արթուր Ղազինյանը՝  պատասխանելով  հարցին, որ   հնարավոր իշխանափոխության դեպքում  ի՞նչ է անելու ընդդիմությունը՝  կորցրածը ետ բերելու  կամ   նոյեմբերի 9-ի համաձայնագիրն առ ոչինչ ճանաչելու  ուղղությամբ։

 «Նոյեմբերի 9-ի հայտարությունը մեկ էջ է, բայց պետք է լիներ 100 էջ , այսինքն մեկ էջի մեջ խտացված է  100 էջի պարունակություն, բովանդակություն , հետևաբար յուրաքանչյուր կետի կիրառման ընթացքում  բացվում են և՛ ռիսկեր, և՛  հնարավորություններ՝  կախված իշխանության վարքագծից, կեցվածքից , հնարավորությունից։   Ինչ վերաբերում է  Հայաստանի հարավ-արևելյան սահմանին տիրող իրավիճակին  պետք է վերականգնվի Հայաստանի տարածքային ամբողջականությունը  և ինքնիշխանությունը՝  ցանկացած գնով, գինն այլևս կարևոր չէ»,-նշեց Ղազինյանը։

Մանրամասները՝ տեսանյութում։