Ես ո՞վ եմ, որ այդպիսի տաղանդավոր մարդկանց մասին կարծիք ասեմ․ Մովսես Հակոբյանը՝ Արշակ Կարապետյանի նշանակման մասին․ Armdaily.am

Քիչ առաջ նախագահականից հաստատել են, որ հրաժարական են ներկայացրել Պաշտպանության նախարար Վաղարշակ Հարությունյանը եւ ԳՇ պետի առաջին տեղակալ Արշակ Կարապետյանը։ Վերջինս կնշանակվի Պաշտպանության նախարար։

ArmDaily.am-ը զրուցել է Գլխավոր շտաբի նախկին պետ, գեներալ- գնդապես Մովսես Հակոբյանի հետ։

-Պարոն գեներալ, քիչ առաջ հայտնի դարձավ, որ Վաղարշակ Հարությունյանը հրաժարական է ներկայացրել, լարվածության այս ֆոնին ինչպե՞ս եք գնահատում պաշտպանության նախարարի հրաժարականը։

-Լավ է, որ հրաժարական է տվել։

-Կարծում եք, դա ճիշտ որոշո՞ւմ է եղել։

-Չգիտեմ։

-Քննարկվում է Արշակ Կարապետյանի թեկնածությունը պաշտպանության նախարարի պաշտոնում, ինչպե՞ս եք գնահատում Արշակ Կարապետյանի նշանակումը այս պաշտոնում։

-Հայ ազգին շնորհավորում եմ։

-Կարծում եք, նա իսկապես այս պահին ամենալավ թեկնածո՞ւն է, ունի՞ բավարար որակներ այս բարդ ժամանակահատվածում այդ գերատեսչությունը ղեկավարելու։

-Ես ո՞վ եմ, որ այդպիսի տաղանդավոր մարդկանց մասին կարծիք ասեմ։ Ես կարծիք չունեմ այս նշանակման մասին։

-Իսկ Վաղարշակ Հարությունյանի պաշտոնավարման ժամանակահատվածին գնահատական կտա՞ք։

-Ես արդեն ասացի, որ տաղանդավոր մարդկանց գործունեությունը չեմ գնահատում։

-Պարոն Հակոբյան, իսկ սահմանին մեր բանակի, մեր զինվորականների պատասխանը համարժե՞ք է թշնամուն։

-Ես տեղյակ չեմ, թե ինչ է կատարվում։ Ես բանակում չեմ ծառայում։