18 07 2018

Որքա՞ն է արժեցել Թրամփ-Պուտին հանդիպումը

Որքա՞ն է արժեցել Թրամփ-Պուտին հանդիպումը

Ամերիկայի Միացյալ Նահանգների և Ռուսաստանի Դաշնության նախագահներ Դոնալդ Թրամփի և Վլադիմիր Պուտինի հանդիպումը կազմակերպելու համար Ֆինլանդիան մոտ 10 միլիոն եվրո է ծախսել: Այս մասին հայտարարել է Ֆինլանդիայի վարչապետ Յուխա Սիպիլը, հաղորդում է ՏԱՍՍ-ը:

Երկրի վարչապետի խոսքով՝ Հելսինկիում բանակցությունների կազմակերպման համար արված ծախսերի ծավալը դեռևս հաշվարկվում է և հայտնի կլինի ավելի ուշ:

«Դա արժեր անել», - հայտնել է վարչապետ Սիպիլը:  Ավելի վաղ նա նշել էր՝ ռուս-ամերիկյան գագաթնաժողովի կազմակերպումը դրականորեն կանդրադառնա երկրի կերպարի վրա:  «Մենք հետևողականորեն աջակցում ենք և կողմ ենք միջազգային քաղաքականության մեջ երկխոսությանը: Ահա թե ինչու է կարևոր, որ մենք ևս  միջնորդ լինենք ՌԴ-ի և ԱՄՆ-ի ղեկավարների միջև», -նշել էր Սիպիլը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ