Կոնջորյանի արտահայտությունը, թե իբր Տավուշից ոչ մի սանտիմետր չի կարող տրվել որևէ մեկին՝ ՍՈՒՏ է. Համբարյան

Քաղաքագետ Գագիկ Համբարյանը ֆեյսբուքյան իր էջում գրում է․

«Դավաճան Նիկոլի երեկվա հակահայ որոշումից հետո, երբ վերջինս համաձայնեց միակողմանի Տավուշի մարզից 4 գյուղի տարածք նվիրել Ադրբեջանին՝ դրա դիմաց ոչինչ չստանալով, կապիտուլյանտների դավաճանախմբի անդամները սկսեցին իրենց հակահայ առաջնորդին պաշտպանող գրառումներ և մեկնաբանություններ անել...

ԱԺ-ում քայլիստների թայֆայի ղեկավար Հայկ Կոնջորյանը գրառում է արել, թե բա «...Այսպիսով արձանագրվում է` Տավուշի մարզի ոչ մի սանտիմետր չի կարող տրվել որևէ մեկին, ՀՀ տարածքային ամբողջականությունը պաշտպանված է և պաշտպանվելու է»...։

Քայլիստ Հայկը բացահայտ ստում է և կեղծում իրականությունը... Տավուշի մարզի Բերքաբեր գյուղին պատկանող բավական մեծ տարածքներ (քարտեզի վրա նշված է կարմիր գույնով) գտնվում են Ադրբեջանի վերահսկողության տակ և Կոնջորյան ազգանունով «կենդանու» արտահայտությունը, թե իբր Տավուշի մարզից ոչ մի սանտիմետր չի կարող տրվել որևէ մեկին ՍՈՒՏ է...

Նիկոլը միակողմանի Բաքվին է նվիրում 4 գյուղերի տարածքներ դրա դիմաց չստանալով ոչինչ, իսկ Հայկի նման նրան ծառայողներն էլ կեղծ տեղեկություններ են տարածում՝ մոլորեցնելով և խաբելով հանրությանը...

Նշեմ, որ ՀՀ տարածքային ամբողջականության պաշտպանվածության մասին կլկլացող քայլիստ «հայկանմանների» իշխանության օրոք է Հայաստանը կորցրել ոչ միայն Արցախը, այլև ՀՀ տարածքից Սոթք-Խոզնավար, Ներքին Հանդ, Սև լիճ, Իշխանասար, Ջերմուկ, Տեղ գյուղի հատվածները, որոնք պաշտոնական Բաքուն Ալիևի մակարդակով հայտարարել է, որ ոչ մի պարագայում Հայաստանին հետ չի տա...

Համոզված եմ, պատառ-պատառ Հայաստանը թուրքին նվիրող քայլիստ դավաճանները և նրնաց սպասարկողները ԵՐԲԵՔ չեն բարձրաձայնելու այն փաստը, որ Նիկոլի կառավարման ժամանակ կորցված տարածքներից մի միլիմետր նրան չի հաջողվելու հետ բերել, իսկ քայլիստ-դավաճանախունտայի կողմից Ադրբեջանին արվող միակողմանի զիջումները և տարածքային նվիրատվությունները ներկայացվելու են որպես մեծ ձեռքբերում խաղաղության հասնելու համար, որի վերջնարդյունքը լինելու է Հայաստանի անկախ պետության կործանումը...»։