01 02 2024

Սա ցույց է տալիս, թե որքան խղճուկ վիճակում են. Զաքարյան

ՀՀԿ գործադիր մարմնի անդամ Արտակ Զաքարյանը գրում է.

«Ալիևն ասել է. «Հայաստանի Սահմանադրության և այլ փաստաթղթերի փոփոխությունների դեպքում կարելի է հասնել խաղաղության»: Սա Ալիևի կողմից ՀՀ ներքին գործերին ուղիղ խառնվելու, ինչ-որ տեղ նաև շանտաժի ցայտուն դրսևորում է, որն անթույլատրելի է միջազգային պրակտիկայի տեսանկյունից:

Սա ցույց է տալիս նաև այն, թե որքան անկարող, խղճուկ և կախյալ վիճակում են գտնվում ՀՀ իշխանությունները:

Հենց միայն Ալիևի այս հայտարարությունը բավարար է, որպեսզի Հայաստանում այլևս չքննարկվի Սահմանադրության փոփոխության հետ կապված որևէ հարց: Ոչ մի երաշխիք չկա, որ Հայաստանի սուվերեն որոշումներին խառնվելու այս ինտրվենցիան չի լինի շարունակական և չի ստանա այլ դրսևորումներ:

Սերժ Սարգսյանի, Ռոբերտ Քոչարյանի, Լևոն Տեր-Պետրոսնանի կառավարման տարիներին ոչ Ադրբեջանը, ոչ էլ այլ երկիր չէր կարող նման ամթույլատրելի ոճով ու նախապայմաններով խոսել Հայաստանի Հանրապետության հետ:

Իսկ տարածաշրջանում իրական, արժանապատիվ խաղաղության կարելի է հասնել հետևյալ պարագաներում.

ա) ՀՀ կառավարության կազմն ու իշխանության որակը փոխելով ,

բ) Հայաստանի հասարակությանն ու հայկական Սփյուռքին համախմբելով,

գ) ռազմավարական դաշնակից Ռուսաստանի հետ բոլոր տիպի հարաբերությունները վերականգնելով և բազմակողմանիորեն զարգացնելով , տարածաշրջանում բնական դաշնակիցների հետ գործնական հարաբերություններ կառուցելով,

դ) ՀՀ ԶՈւ կարողությունների և մարտունակության զարգացման համար իրական ջանքեր գործադրելով,

ե) ընկալելի, հիմնավորված և հետևողական արտաքին քաղաքականություն վարելով,

զ) առկա ռեսուրսները վատնելու փոխարեն` տնտեսության փաստացի զարգացման համար իրատեսական ու հավակնոտ ծրագրեր իրականացնելով,

է) ազգային քաղաքական ուժերի և համահայկական կառույցների ակտիվ համագործակցությամբ և փոխլրացմամբ»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Ալիև | Սահմանադրություն

Դիտել նաև

Մամուլի տեսություն 20 11 2024

Սկզբում ընտրություն, հետո հանրաքվե․ «Հրապարակ»

Ալիևը վախ ունի, որ հայկական հաջորդ իշխանությունները կարող են չեղարկել Արցախն Ադրբեջանի մաս ճանաչելու ներկայիս իշխանությունների որոշումը

Քաղաքական 17 11 2024

Ալիևը հայտարարել է, թե Հայաստանը սպառնում է Ադրբեջանին

Հայաստանը սահմանադրական հիմունքներով չպետք է տարածքային պահանջներ ունենա Ադրբեջանից. Ալիև

Քաղաքական 15 11 2024

Պուտինն ու Ալիևը հեռախոսազրույց են ունեցել

Կողմերը քննարկել են Մոսկվայի և Բաքվի ռազմավարական գործընկերությունը

Քաղաքական 13 11 2024

Նման երկար խոսակցություն վաղուց կամ ընդհանրապես Ալիևի հետ չէի ունեցել․ Փաշինյան

Իմ և Ալիևի խոսակցությունը եղել է Հայաստանի ու Ադրբեջանի միջև ռազմավարական գործարքի մասին․ Փաշինյան

Քաղաքական 12 11 2024

COP29-ի շրջանակներում կայացել է Էրդողան-Ալիև հանդիպումը

Թուրքիայի և Ադրբեջանի նախագահները փոխադարձաբար վերահաստատել են երկկողմ հարաբերություններն ավելի առաջ մղելու կամքը

Քաղաքական 11 11 2024

Հայաստանը կմասնակցի COP29-ին, թե ոչ, իր որոշելիքն է. Ալիև

Ալիևն ասել է, որ ԵԱՀԿ Մինսկի խումբն արդեն պատմություն է, Ադրբեջանն աջակցում է խաղաղության օրակարգին