08 09 2023

Ոչ ոք իրավունք չունի մեր հանրությանը տանել արկածախնդրության մեզ համար ճակատագրական այս ժամանակահատվածում. Դավիթ Իշխանյան

Արցախի Հանրապետության նախագահի պաշտոնակատար Դավիթ Իշխանյանը կոչ է ուղղել Արցախի ժողովրդին

«Հարգելի´ հայրենակիցներ,
Վաղը` սեպտեմբերի 9-ին, Արցախի Հանրապետության Սահմանադրության համաձայն՝ Ազգային ժողովն ընտրելու է Հանրապետության նախագահ: Ստեղծված ոչ սովորական իրավիճակում այս քայլին ենք գնում ամեն օր ավելացող մարտահրավերներին արագ արձագանքելու, երկրի ներքին կյանքն արդյունավետորեն կազմակերպելու և արտաքին մարտահրավերներին հավուր պատշաճի դիմագրավելու նպատակով:

Երկրի ղեկավար ընտրելու իրավունքն ու պարտականությունը Սահմանադրությամբ դրված է ձեր կողմից ընտրված խորհրդարանի վրա: Բացառապես Արցախի Ազգային ժողովի խմբակցություններին է վերապահված հանրապետության նախագահի թեկնածու առաջադրելու լիազորությունը, ինչն էլ իրականացվել է սահմանված կարգով: Առ այսօր Հանրապետության նախագահի հրաժարականի և նոր նախագահի ընտրության համար նախապատրաստական բոլոր գործընթացները կազմակերպվել են Սահմանադրությանն ու օրենսդրությանը համապատասխան՝ հաշվի առնելով առկա սուր ճգնաժամային իրավիճակը:

Նկատի ունենալով վերջին օրերին հանրային տրամադրություններում զարգացող որոշակի վտանգավոր միտումները՝ այս պատասխանատու պահին, ինձ վերապահված իրավունքով, սթափության կոչ եմ անում բոլորին ու հորդորում չտրվել ժողովրդին պառակտող սադրանքներին, չենթարկվել նեղ խմբային շահերին և հանուն ընդհանուր շահի մի կողմ թողնել անձնական նախապատվությունները: Ոչ ոք իրավունք չունի մեր հանրությանը, նրա առանձին խմբերի տանել արկածախնդրության մեզ համար ճակատագրական այս ժամանակահատվածում: Ուզում եմ հատուկ ընդգծել և վստահեցնել ձեզ, որ ներքին կայունությունը խաթարող բոլոր գործողությունները կկասեցվեն օրենքի ուժով:

Մենք ունենք բոլոր հնարավորությունները՝ ի չիք դարձնելու Արցախի Հանրապետության պետական ինստիտուտները կազմալուծելու Ադրբեջանի ցանկությունը և որևէ գործողությամբ չպետք է նպաստենք ադրբեջանական հանցավոր նպատակների իրագործմանը:

Մենք հանձնառու ենք պաշտպանելու և ամրապնդելու երեք տասնամյակ կերտած պետականության հիմքերը: Դա մեր ժողովրդի ցանկությունն է, կամքը, և մենք պարտավոր ենք առաջնորդվել այդ պատգամներով:

Հաջողություն եմ մաղթում բոլորիս՝ այս հույժ կարևոր քաղաքական գործընթացն իրականացնելու ճանապարհին:

Հավատացած եղե´ք՝ միասին անհնարը հնարավոր կդարձնենք»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դավիթ Իշխանյան

Դիտել նաև

Հասարակություն 27 12 2023

Արցախի Հանրապետության ԱԺ նախագահ Դավիթ Իշխանյանի ծննդյան օրն է

2023 թվականի օգոստոսի 7-ին ընտրվել է ԱՀ ԱԺ նախագահ, հոկտեմբերի 3-ին՝ գերեվարվել Ադրբեջանի կողմից

Հասարակություն 03 11 2023

Դավիթ Իշխանյանը Բաքվից 2 անգամ զանգել է ընտանիքին. Yerkir.am

Արցախի ԱԺ գերեվարված նախագահը առաջին անգամ հոկտեմբերի 10-ին է զանգահարել, 2-րդ անգամ՝ հոկտեմբերի 13-ին

Հասարակություն 24 09 2023

Նիկոլ Փաշինյանը նախօրոք ծանոթ է եղել Արցախի Անվտանգության խորհրդի հայտարարության տեքստին. Դավիթ Իշխանյան

Ադրբեջանի կողմից իրականացված սույն թվականի սեպտեմբերի 19-ին ռազմական գործողությունների առաջին իսկ պահից ՀՀ վարչապետը տեղյակ է եղել բոլոր գործընթացներից

Քաղաքական 09 09 2023

Այսօր մեր առաքելությունը ավարտեցինք այս ճակատագրական պահին ճակատագրական որոշումով․ Դավիթ Իշխանյան

Մեր այսօրվա վիճակը այնպիսինն է, որ յուրաքանչյուր պահ, յուրաքանչյուր ժամ կարող է մեզ համար ճակատագրական լինել․ Արցախի ԱԺ նախագահ

Քաղաքական 02 09 2023

Կենցաղային դժվարությունները հաղթահարող մեր հայրենակցից մինչև դիրքապահը կանգնած են ճակատային դիրքերում․ Դավիթ Իշխանյան

Բոլորիս պարտքն է՝ անարդյունք չթողնել մեր հայրերի, քույրերի, եղբայրների և զավակների թափած արյունը. Արցախի ԱԺ նախագահ

Հասարակություն 30 08 2023

Հայաստանն իր անվտանգային երաշխավորի դերը զիջել է. անվտանգային կարևոր երաշխիքը մնում է Արցախի ՊԲ-ն. Դավիթ Իշխանյան

Ունենք պահեստազորի հնարավորություններ, ունենք աշխարազոր, որի մասին ընդունված է օրենք. Արցախի ԱԺ նախագահ