Սա պայքար է ազգային ուժերի դեմ․ պատգամավորը՝ Նժդեհ Գարագավորյանի մուտքը Հայաստան արգելելու մասին

«Երեկ, բառացիորեն, պարզ դարձավ, որ հերթական հայի, հերթական Դաշնակցականի մուտքն է  արգելվել Հայաստան․  մի բան, որն աննախադեպ է հայկական պետականության պատմության մեջ, որովհետև,  մինչև այս իշխանությունները, մենք չենք ունեցել նման դեպքեր, որ  Հայաստանում որևէ  մեկը կարող է իրեն իրավունք վերապահել  ու որոշել, թե որ հայը կարող է գալ Հայաստան, որը ՝ոչ․ դա տեսել ենք թշնամական երկրների դեպքում, բայց՝ ոչ Հայաստանում»,- Yerevan.Today-ի  հետ զրույցում ասաց ՀՅԴ անդամ, «Հայաստան» խմբակցության  պատգամավոր Քրիստինե Վարդանյանը՝ անդրադառնալով ՀՅԴ Ֆրանսիայի «Նոր սերունդ» երիտասարդական միության Կենտրոնական վարչության ատենապետ Նժդեհ Գարագավորյանի մուտքը Հայաստան արգելելուն։

«Նժդեհը մշտապես հայրենիք է եկել բազմաթիվ ծրագրերով, ոոնք իրականացվել են Հայաստանի տարբեր մարզերում, սահամանամերձ գյուղերում,  Արցախում․   Ֆրանսիայում Նժդեհը մասնակցել է բոլոր պրոհայական ցույցերին, մասնակցել է նաև ադրբեջանական դեսպանատան դիմաց իրականացրած ցույցերին, հայկական տարբեր միջոցառումների ժամանակ ադրբեջանցիների կազմակերպած սադրանքները կանխած գործողություններին։ Հենց այս ամենի համար էլ նա հայտնվել էր ադրբեջանցիների ուշադրության կենտրոնում և իր համար անընդհատ խնդիրներ էին ստեղծում։  Հիմա էլ  պարզվեց, որ նույն գործողությունների համար հիմա Նժդեհը հայտնվել է Հայաստանի համար անցանկալի մարդկանց ցանկում։ Սա շարքի հերթական դեպքն է»,-ասաց Քրիստինե Վարդանյանը՝ փաստելով  Զատուլինի, Մուրադ Փափազյանի, Սյունե Աբրահամյանի, Մասիս Աբրահամյանի օրինակներով։ 

«Որևէ թշնամական երկրի ներկայացուցչի մուտքն արգելված չէ Հայաստանում․  ինչ է ստացվում՝  թուրքերն ու ադրբեջանցիներն պրոհայկական են,  հայերն ու Հայաստանի դաշնակիցները հակահա՞յ»,-ասում է Քրիստինե Վարդանյանը։

Մանրամասն՝ տեսանյութում։