Երևանը հրաժարվել է մասնակցել Մոսկվայում կայանալիք եռակողմ հանդիպմանը. ՌԴ ԱԳՆ

Երեւանը հրաժարվել է մասնակցել Մոսկվայում դեկտեմբերի 23-ին նախատեսված Հայաստանի, Ռուսաստանի եւ Ադրբեջանի ԱԳ նախարարների եռակողմ հանդիպմանը: Այս մասին հայտնում է Ռուսաստանի ԱԳՆ մամուլի ծառայությունը։

«Դեկտեմբերի 22-ին Ռուսաստանի ԱԳ նախարար Սերգեյ Լավրովը հեռախոսազրույց է ունեցել իր ադրբեջանցի գործընկեր Ջեյհուն Բայրամովի հետ, որի ընթացքում քննարկվել է իրավիճակը ռուսական խաղաղապահ զորախմբի պատասխանատվության գոտում, որը սրվել է Լաչինի միջանցքի փակման եւ տարածաշրջանում հանքահանքերի շահագործման շուրջ կողմերի տարաձայնությունների պատճառով:

Լավրովն ընդգծել է Լաչինի միջանցքով Լեռնային Ղարաբաղի եւ Հայաստանի միջեւ անարգել կապի ապահովման մասին եռակողմ պայմանավորվածությունները անշեղորեն պահպանելու անհրաժեշտությունը:

Ափսոսանք է հայտնել  դեկտեմբերի 23-ին Մոսկվայում կայանալիք Ադրբեջանի և Հայաստանի արտաքին գործերի նախարարների հանդիպմանը մասնակցելուց հրաժարվելու Երևանի որոշման հետ կապված։

Շեշտվել է Ռուսաստանի, Ադրբեջանի և Հայաստանի ղեկավարների ՝ 2020 թվականի նոյեմբերի 9 - ի, 2021 թվականի հունվարի 11-ի և նոյեմբերի 26-ի, ինչպես նաև 2022 թվականի հոկտեմբերի 31-ի եռակողմ հայտարարությունների իրականացման ռիթմիկ աշխատանքի շարունակման կարևորությունը», - նշված է հաղորդագրության մեջ։