18 11 2022

Զատուլինի մուտքը ՀՀ արգելելու հարցով Հայաստանը չի պատասխանում Ռուսաստանին. 168.am

168.am-ը գրում է. ՌԴ Պետդումայի պատգամավոր, ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինը, ով դեռևս անհայտ ընթացակարգով Հայաստանում հայտարարված է անցանկալի անձ, ըստ մի շարք տելեգրամյան ալիքների, առաջիկայում այցելելու է Հայաստան:

Առավոտից տարածվող տեղեկությունների համաձայն, Զատուլինն ընդգրկված է նոյեմբերի 22–ին Հայաստանի Հանրապետություն այցելող ՌԴ նախագահ Վլադիմիր Պուտինի պատվիրակության կազմում:

168.am-ի հետ զրույցում Կոնստանտին Զատուլինն ասաց, որ այդ մասին ինքը ոչինչ չգիտի:

«Ես չունեմ ոչ մի հրավեր՝ մասնակցելու այն պատվիրակությանը, որի հետ մեկնելու է ՌԴ նախագահը»,- ասաց Զատուլինը:

Նրա խոսքով՝ այս պահի դրությամբ իր օրակարգում ՀՀ այց չունի:

Կոնստանտին Զատուլինը հաղորդեց, որ հայկական կողմից որևէ պարզաբանում չի ստացել իր անձը ՀՀ-ում անցանկալի համարելու որոշման առնչությամբ, որը նրան ուղղվել էր ՀՀ ԱԺ-ի կողմից:

«Դեռ հոկտեմբերի 25-ին ՌԴ ԱԳՆ-ն նոտա է հղել ՀՀ ԱԳՆ-ին ու ՌԴ-ում ՀՀ դեսպանատանը այդ կապակցությամբ, հստակ հարցեր ուղղելով հայկական կողմին: Այդ հարցերին մինչ այս պահը պատասխան չկա»,- ասաց Կոնստանտին Զատուլինը:

Հիշեցնենք, որ Զատուլինի նախաձեռնած «Լազարևյան ակումբի» 5-րդ նիստից առաջ ՌԴ ԱՊՀ գործերի, եվրասիական ինտեգրման և հայրենակիցների հետ կապերի հանձնաժողովի նախագահ Կոնստանտին Զատուլինի մուտքը Հայաստանի Հանրապետություն արգելվել էր, հոկտեմբերի 25-ի կեսօրին այս որոշման մասին հաղորդեց «Հայկական ժամանակը»՝ կից տեղադրելով Զատուլինի և ՀՀ երկրորդ նախագահ Ռոբերտ Քոչարյանի լուսանկարը։ Նույն օրը Կոնստանտին Զատուլինը նամակ էր ստացել Պետդումայի պատգամավորի պաշտոնական էլեկտրոնային հասցեին՝ Հայաստանի Հանրապետություն ժամանելու «անցանկալիության» մասին, որում ասվում էր, թե Զատուլինի հրապարակային հայտարարությունները վնասում են ՀՀ-ի ու ՌԴ-ի միջև բարեկամական և դաշնակցային հարաբերությունների զարգացմանը։ Նամակը մասնավորապես ուղարկվել էր ՀՀ ԱԺ արտաքին կապերի կառավարման վարչության ղեկավար Տիգրան Սեյրանյանի անունից:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Զատուլին

Դիտել նաև

Քաղաքական 02 09 2024

Կոնստանտին Զատուլինը ուղերձ է հղել Արցախի Հանրապետության Անկախության օրվա առթիվ

Աղոթում եմ, որ գերության մեջ գտնվող Բակո Սահակյանի, Արկադի Ղուկասյանի, Ռուբեն Վարդանյանի և մյուսների հետ ոչինչ չպատահի. Պետդումայի նախագահ

Քաղաքական 16 08 2024

Ձևական քաղաքավարությունը, իհարկե, կպահպանվի, բայց ոչ ավելին. Զատուլինը՝ Գուրգեն Արսենյանի մասին

Պատճառ չեմ տեսնում Ռուսաստանի ղեկավարության և Փաշինյանի դաշնակից նոր դեսպանի միջև որևէ վստահության ի հայտ գալու համար. Պետդումայի նախագահ

Քաղաքական 26 06 2024

Զատուլինը սուտ է անվանել Հայաստանի ԱԽ քարտուղարի խոսքերը ԼՂ-ի մասին

Արցախը ոչ միայն պետք չէր ՀՀ վարչապետ Նիկոլ Փաշինյանին, այլև «ներքաղաքական առումով վնասակար էր». Պետդումայի պատգամավոր

Քաղաքական 30 05 2024

Փաշինյանն այլևս չի կարող համոզել իր կողմնակիցներին. Զատուլին

Այսօր Հայաստանում Փաշինյանի իշխանությունը հիմնված է երկու բանի վրա՝ ռեպրեսիաների, որոնք կապված են մեծ թվով իրավապահների ներկայության հետ, և այն վախի վրա, որ նրանք փորձում են սերմանել հայ ժողովրդի մեջ՝ «եթե ոչ Փաշինյանը, ապա պատերազմ» բանաձևով». ՌԴ պատգամավոր

Քաղաքական 27 05 2024

Այն, ինչ թույլ են տվել նրան 2018-ին, նա չի ցանկանում թույլ տալ 2024-ին. Զատուլին

2018 թվականին նա ինքն է իշխանության եկել հենց այսպես՝ ցույցեր կազմակերպելով, որոնք չեն ճնշվել, և կարգի հրավիրելու ցանկացած փորձ այն ժամանակ համարվել է հանցագործություն ժողովրդավարության դեմ. Այսօր նա ամբողջովին փոխել է իր դեմքը. Պետդումայի պատգամավորը՝ Փաշինյանի մասին

Քաղաքական 23 05 2024

Փաշինյանը ստախոս է, որը փորձում է հայ ժողովրդի զայրույթն ուղղել դեպի Ռուսաստան. Զատուլին

Կարելի է համարել Ռուսաստանը և Բելառուսը, դրա համար պետք չէ ենթադրություններ անել. Պետդումայի ներկայացուցիչը՝ Փաշինյանի հայտարարության մասին