Լուկաշենկոն վրդովվել Է, որ ՀԱՊԿ-ին փորձում են ներքաշել Երևանի և Բաքվի միջև հակամարտության մեջ

Բելառուսի նախագահ Ալեքսանդր Լուկաշենկոն ՀԱՊԿ գլխավոր քարտուղար Ստանիսլավ Զասի հետ հանդիպմանը հայտարարել է, որ Հայաստանի եւ Ադրբեջանի միջև հակամարտության կարգավորման հարցում Ռուսաստանի միջնորդությունը բավարար է,և  վրդովվել Է դրանում ՀԱՊԿ-ն այնտեղի ներքաշելու փորձերից, հայտնում է РИА Новости-ն։

«Պատերազմն ավարտվեց ...Կողմերը, կոպիտ ասած, որոշեցին, որ միջնորդի կարիք ունեն։ Սա նորմա է, դասական է: Բնականաբար, դա (միջնորդը –խմբ․) Ռուսաստանն է։ Դիմել են Ռուսաստանին, Ռուսաստանն այնտեղ հարյուրավոր մարդկանց է ուղարկել։ Հիշում ենք, թե ինչպես էին ինքնաթիռները թռչում։ Ռուս սահմանապահները․․․ Էլ ի՞նչ է պետք: Թող այդ ուղղությամբ էլ աշխատեն», - հայտարարել է Լուկաշենկոն։

«Ես իզուր չեմ ասել, որ որոշակի խաղ է ընթանում։ Ես հասկանում եմ, թե դա ինչ խաղ է: Ինչո՞ւ են այնտեղ ներքաշում  Եվրամիությանը։ Ինչո՞ւ են այնտեղ փորձում քարշ տալ ԵԱՀԿ-ին։  Հասկանալի է, թե ինչու։  Ի՞նչ են անելու այնտեղ, եթե այնտեղ արդեն միջնորդ կա։ Կարծես թե մենք այլևս այ անելիք չունենք», - շարունակել է Բելառուսի նախագահը։

Լուկաշենկոն նաև հայտարարել է, որ ՀԱՊԿ հերթական նստաշրջանի ժամանակ  հարկավոր է մանրամասն քննարկել իրավիճակը հայ-ադրբեջանական սահմանին։

«Ամեն դեպքում դու ինքդ եղել ես այնտեղ, տեսել ես, թե ինչ է կատարվում։  Եվ միացյալ շտաբի պետն էր աշխատում։  Նրանք մասնագետներ են: Օրինակ, երբ առաջարկվում էր այնտեղ ՀԱՊԿ առաքելություն ուղարկել, ես մտածեցի՝ արդյո՞ք մենք այստեղ ՝ Բելառուսում, Զասից ավելի ուժեղ մարդիկ ունենք․․․Դուք ներգրավված եք այս գործընթացում, տեսնում եք, թե ի՞նչ է կատարվում այնտեղ։ Դե, դիտարկումներ արեք և զեկուցեք։ Էլ ինչի՞ համար  այնտեղ ինչ-որ դիտորդներ ուղարկել Բելառուսից, Ռուսաստանից և այլ տեղերից»,-  ասել Է Բելառուսի նախագահը։