24 10 2022

«Տակները լցրել էին»․ ի՞նչ է կատարվել իրականում. Hraparak.am

«Տակները լցրել էին»․ ի՞նչ է կատարվել իրականում. Hraparak.am

Hraparak.am-ը գրում է.

Գրել էինք, որ ԱԺ նախկին պատգամավոր, փաստաբան Զարուհի Փոստանջյանին այսօր ոստիկանությունը բերման է ենթարկել: Երբ կապ հաստատեցինք Փոստանջյանի հետ, նա մի քանի բառով ներկայացրեց միջադեպը, ասաց, որ մանրամասն ավելի ուշ կխոսի, քանի որ հենց այդ պահին գտնվում է ոստիկանությունում։

«Բերման եմ ենթարկվել Վաղարշ Վաղարշյանի խաչմերուկի հատվածում՝ ՀՔԾ-ի մոտ, դա իմ ամենօրյա ճանապարհն է։ Դա իմ ամենօրյա ճանապարհն է՝ դեպի Գյուլբեկյան, այսինքն՝ իմ ծնողական տանից դեպի արդեն իմ տուն։ Ես ինձ համար իջնում էի, ճանապարհները փակել էին, մի ոստիկան ինձ ասաց, որ ինձ կուղեկցի։ Մեկ էլ Նիկոլի անվտանգության ծառայության պետին, որը քաղաքացիական հագուստով էր, ասացի՝ էս ինչ է կատարվում, ինչ եք անում, թուրքերն են եկել, ինչ է եղել, որ հավաքվել են, ինձ նստեցրին մեքենան ու բերեցին ոստիկանություն։ Ինձ տարել են ոստիկանություն այն պատճառաբանությամբ, թե իբր իրենք փողոց են փակել, ես այդ փակած փողոցով անցել եմ, իրենց պահանջին չեմ ենթարկվել»,- «Հրապարակի» հետ զրույցում ասաց Փոստանջյանը։

«Ենթադրաբար Փաշինյանն էր այդտեղ, թե կոնկրետ ով էր, հստակ չեմ կարող ասել, բայց բազմաթիվ կառավարական մեքենաներ տեսա, իրոք շատ էին, բավականին շատ ոստիկաններ կային։ Այսինքն՝ ի՞նչ, մարդը եթե մի տեղով անցնում է ու եթե այդտեղ Նիկոլն է, թուրքական ներկայացվածություն է, արդեն կարող են մտածել, քեզ ճանաչեն ու առևանգեն տանեն։ Սա, իհարկե, խոսում է նաև իրենց վախերի մասին, տակները լցրել են։ Ձեռքիս պայուսակն են բռնել, բայց դրա մեջ հակաիրավական ի՞նչ կա։ Այսինքն՝ եթե մարդը Զարուհի Փոստանջյանն է, պարզապես փողոց է անցնում, պետք է բռնեն բերման ենթարկե՞ն։ Իմ մեղավորությունը որն է, որ դա իմ ամենօրյա ճանապարհն է ու հանկարծ կարող են թուրքերը գալ ու սկսեն վախենալ ինձնից»,- հավելեց նա։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ