17 01 2020

Մարդու իրավունքների պաշտպանի քննարկումը՝ կալանավայրերի մասին․ ՈւՂԻՂ



Մարդու իրավունքների պաշտպանը հրապարակել է խոշտանգումների կանխարգելման ոլորտի իրավական չափանիշներ և գործարկել է «Ազատազրկվածի իրավախորհրդատու» ավտոմատացված համակարգը՝ հայերեն ու անգլերեն լեզուներով։

Այժմ տեղի է ունենում «Մարդու իրավունքների պաշտպանի՝ որպես կանխարգելման ազգային մեխանիզմի իրավական նոր գործիքները և ժամանակակից խնդիրներն ազատությունից զրկման վայրերում» թեմայով քննարկում։ Միջոցառման ժամանակ կներկայացվի «Ազատազրկվածի իրավախորհրդատու» հայերեն և անգլերեն լեզուներով ավտոմատացված զրուցարանը, որը ստեղծվել է Facebook սոցիալական ցանցի messenger հավելվածում, ներառում է 300-ից ավելի հարց և պատասխան ազատությունից զրկված անձանց իրավունքների վերաբերյալ։ Բացի այդ, հրապարակվել է նաև խոշտանգումների կանխարգելման ոլորտում Մարդու իրավունքների պաշտպանի չափանիշները։

Քննարկման ընթացքում անդրադարձ կկատարվի «Քրեակատարողական բժշկության կենտրոն» ՊՈԱԿ-ում առկա խնդիրներին, ինչպես նաև ազատությունից զրկման վայրերում ինքնասպանությունների կանխարգելման համալիր միջոցառումների մշակման հրատապ անհրաժեշտության հարցերին։

Միջոցառումն առաջարկում ենք դիտել ուղիղ հեռարձակմամբ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ