7 տոկոս տնտեսական աճի մասին սուտ խոստումով փորձում են զսպել մարդկանց զայրույթը․ Արթուր Խաչատրյան

Եթե իշխանությունները իրենց երազած տնտեսական աճն էին ուզում արձանագրել, այդ դեպքում գոնե տարեկան՝ 30 տարի անընդմեջ 10․5 տոկոս աճ պետք է ապահովեն, բայց իրենց հնչեցրած ցնդաբանությունից հետո, մենք ունեցել ենք 7․5 տոկոս տնտեսական անկում։ Այս մասին այսօր՝ նոյեմբերի 6-ին ասուլիսում ասաց «Հայաստան» խմբակցության պատգամավոր Արթուր Խաչատրյանը։

«2022 թվականի համար Կառավարությունը նախատեսել է 7 տոկոսանոց տնտեսական աճ, իսկ բարենպաստ արտաքին միջավայրի դեպքում՝ 9 տոկոս տնտեսական աճ։ Կառավարության հաշվարկները խնդրահարույց են, չհիմնավորված լավատեսության նպատակը զուտ քաղաքական է և միտված է սուտ խոստումների միջոցով զսպելու օրեցօր վատթարացող սոցիալ-տնտեսական պայմաններում ապրող մեր քաղաքացիների զայրույթը և անհաջող փորձ է Արցախյան 44-օրյա պարտությունից հետո ստեղծված իրավիճակը ներկայացնելու որպես նոր հնարավորությունների դարաշրջան»,- ասաց Խաչատրյանը։

Մանրամասն՝ տեսանյութում։