24 12 2021

ՌԴ խաղաղապահներն ապահովել են ավելի քան 2000 ավտոմեքենայի անվտանգ երթևեկությունը Լաչինի միջանցքով

ՌԴ խաղաղապահներն ապահովել են ավելի քան 2000 ավտոմեքենայի անվտանգ երթևեկությունը Լաչինի միջանցքով

Ռուսաստանի Դաշնության խաղաղապահ զորախմբի զինծառայողները Լաչինի դիտորդական անցակետերով մեկ օրում ապահովել են ավելի քան 2000 ավտոմեքենայի անվտանգ երթևեկությունը Լեռնային Ղարաբաղ և հակառակ ուղղությամբ: «Արմենպրես»-ի հաղորդմամբ`այս մասին հայտնում է ՌԴ պաշտպանության նախարարությունը:

Ռուսաստանի խաղաղապահ ուժերը 27 դիտակետ ունեն Լեռնային Ղարաբաղում և Լաչինի միջանցքում: 

«Դիտորդական կետերի զինծառայողները շուրջօրյա հսկողություն են իրականացնում իրենց պատասխանատվության գոտում հրադադարի պահպանման նկատմամբ: Ռուս խաղաղապահներն ապահովում են անցակետերով ավտոտրանսպորտի անվտանգ անցումը: Հնարավոր սադրանքներից խուսափելու նպատակով` զննման են ենթակա բոլոր ավտոտրանսպորտային միջոցները»,- պատմել է ՌԴ խաղաղապահ զորախմբի ներկայացուցիչ Վլադիմիր Բերկոզը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ