30 07 2021

Ադրբեջանը բնական է, որ ձգտելու է առավելագույնը պոկի Հայաստանից․ Արա Զոհրաբյան

Արա Զոհրաբյանը գրում է․

ՍԱՀՄԱՆՆԵՐԻ ՀԵՏ ԿԱՊՎԱԾ ԽՆԴՐԻ ՎԵՐԱԲԵՐՅԱԼ

Նախ պետք է արձանագրենք, որ ոչ 2020թ. նոյեմբերի 9-ի փաստաթուղթը և ոչ էլ դրանից հետո ստորագրված փաստաթղթերը (գաղտնի, թե հայտնի) չեն երաշխավորել մեր հայրենակիցների անվտանգությունը: Մենք դրանից հետո էլ ունեցանք գերիներ, զոհեր և տարածքային կորուստներ:

Ինչ դաս պետք է քաղենք թուրք-ադրբեջանական հարևանությունից, որ չենք քաղել 100 տարի առաջ:

Այն մարդիկ կամ քաղաքական ուժերը կամ պետությունները, որոնք փորձում են զրկել մեզ ինքնապաշտպանության իրավունքից, պետք է մերժվեն: Որքան էլ մեղվապահը երաշխավորի մեղվի անվտանգությունը, միևնույն է առանց իր փշի մեղուն չի կարող գոյատևել:

Սահմանների հետ կապված հարցերը լուծելիս պետք է ղեկավարվել մեկ կարևոր սկզբունքով՝ ժողովրդի անվտանգության ապահովման սկզբունքն է: Այս սկզբունքը պետք է գործի ցանկացած որոշում կայացնելու ժամանակ:

Այս սկզբունքի ներքո, չի կարելի հիմա որևէ զիջում կատարել Ադրբեջանին, քանի դեռ չեն լուծվել հետևյալ հարցերը՝

1. Գերիները պետք է անհապաղ վերադարձվեն.

2. Ալիևը բացահայտ Ադրբեջանի զավթողական նպատակների մասին է խոսում՝ նշում է, որ Զանգեզուրը, Երևանը, Սևանը իրենց պատմական տարածքներն են: Ադրբեջանը պետք է պաշտոնական այնպիսի հայտարարություն կատարի, որ Հայաստանի տարածքների նկատմամբ չունի և չի կարող ունենալ որևէ հավակնություն:

3. Սահմանազատում կատարելու հարցը ցանկանում են լուծել ըստ ԽՍՀՄ սահմանների: Այստեղ շատ կարևոր եմ համարում հիշեցնել, որ Ադրբեջանը չի ընդունում ԽՍՀՄ իրավահաջորդությունը: Նա իրեն համարում է 1918-1920թթ. Ադրբեջանի իրավահաջորդը: Այս դեպքում, ինչ տրամաբանությամբ է ԽՍՀմ սահմաններով սահմանազատում անցկացվում: Արդյոք այս դեպքում, հաշվի առնելով անվտանգության հարցը, չպետք է լուծվի uti possidetis ita possidetis սկբունքի համաձայն, որը նշանակում է ունեք այն, ինչ ունեք: Օրինակ, ջրային ակունքները, չպետք է փոխանցվեն Ադրբեջանին, որը կարող է թունավորել մեր ջրերը, կամ փոխել գետի հունը: Բարձունքները, որոնք ըստ ԽՍՀՄ բաժանման «գտնվում են» Ադրբեջանի սահմաններում չպետք է հանձնվեն Ադրբեջանին, քանի որ այդ բարձունքը մեծ տեսադաշտ է ապահովում հայկական գյուղերի նկատմամբ: Այդ բաժանումը եղել է բնական, կոնֆլիկտի երկու կողմերը բնական ռելիեֆը հաշվի առնելով դիրքավորվել են տարբեր բարձունքներում:

Ադրբեջանը բնական է, որ ձգտելու է առավելագույնը պոկի Հայաստանից: Ուզում եմ մեր հայրենակիցներին հիշեցնել, որ հայերը վախկոտ չեն, հայերը թույլ չեն: Հարցրեք ավելի ավագ սերնդի ձեր հարազատներից, ԽՍՀՄ բանակում ադրբեջանցի տղամարդիկ և հայ տղամարդիկ ոնց են եղել: Քանի գեներալ է տվել Հայաստանը, իսկ քանիսը՝ Ադրբեջանը: Ադրբեջանցիները չդարձան առյուծ: Մեր պառակտված ազգին արհեստականորեն վախ են ներշնչել:

Քանի դեռ Ադրբեջանը քթին չի ստացել այնպես, որ հասկանա, արթնացած հայը արդարությունը վերականգնող հայ է, չի հանգստանալու:

Մենք պետք է պահանջատեր լինենք: Այս իշխանությունն էլ պարտավոր է ապահովել մեր ժողովրդի իրական անվտանգությունը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արա Զոհրաբյան | Ադրբեջան

Դիտել նաև

Հասարակություն 22 11 2024

Ադրբեջանը Հայաստանի հանձնած 4 գյուղում սահմանային ուղեկալներ կկառուցի

Գյուղերի վերականգնմանը զուգահեռ 2025 թվականին կսկսվի մշտական սահմանային օբյեկտների շինարարությունը

Քաղաքական 22 11 2024

Նիկոլը թվիթերում երկու գրառում արեց, որը կարող էր անել միայն Ադրբեջանի դեսպանը. Հրանտ Ավետիսյան

Ըստ Ադրբեջանի սահմանադրության՝ Հայաստանի մոտ 60 տոկոսն ընդգրկված է Ադրբեջանի տարածքում. Փաշինյանի գրառումը

Հասարակություն 22 11 2024

Ադրբեջանում մարդու իրավունքների վիճակը մտահոգիչ է. Գերմանիայի ԱԳՆ

Գերմանիայի արտգործնախարարը Բաքվում քննադատել է Ադրբեջանին

Քաղաքական 21 11 2024

Թուրքիայի ու Ադրբեջանի ռազմածովային ուժերը զորավարժություն են անցկացնում

«SAT-SAS-2024» զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում

Իրավական 20 11 2024

Ադրբեջանը Հայաստանի դեմ հայց է ներկայացրել Հաագայի մշտական արբիտրաժային դատարան

Ադրբեջանը Հայաստանին մեղադրում է, այսպես կոչված, «օկուպացիայի ժամանակ էներգետիկ ռեսուրսների նկատմամբ ինքնիշխան իրավունքների բազմաթիվ խախտումների համար»

Մամուլի տեսություն 14 11 2024

Իշխանությունը չկարողացավ ինչ-որ բան պայմանավորվել Ադրբեջանի հետ․ «Հրապարակ»

Գերիներից մի քանիսին բաց թողնելու պայմանով` ՀՀ իշխանությունը խոստացել էր պատվիրակություն ուղարկել Բաքու