30 06 2021

Համայնքների ղեկավարներին ներկայացվող ինքնահրաժարականի պահանջներն անօրինական են. Էմին Երիցյան

Հայաստանի համայնքների միության նախագահ Էմին Երիցյանը հայտարարությամբ է հանդես եկել, որում ասվում է․

«Տարբեր քաղաքական գործիչների կամ պաշտոնյաների կողմից առանձին համայնքների ղեկավարներին ներկայացվող ինքնահրաժարականի հրապարակային կամ ուղիղ պահանջներն անօրինական են, հարվածում են ժողովրդավարության արժեքներին ու սկզբունքներին։

Տեղական ինքնակառավարման մարմինները կենտրոնական գործադիր իշխանության մաս չեն կազմում, նրանք չեն փոխվում Ազգային ժողովի ընտրությունների արդյունքներով։

Համայնքների ղեկավարները, ավագանու անդամները քաղաքական պաշտոնյաներ են, ազատ են իրենց քաղաքական կողմնորոշումներում։

Քաղաքական հայացքների ու կողմնորոշումների հիման վրա ինքնահրաժարականի պահանջները կամ հրապարակային հայտարարությունները խտրական մոտեցում են, մարդու իրավունքների դեմ ուղղված գործողություններ են։

Տեղական ինքնակառավարման մարմինների հերթական ընտրություններից առաջ հրաժարականները կհանգեցնեն ընտրովի մարմինների փոխարեն համայնքների ղեկավարների ժամանակավոր պաշտոնակատարների նշանակման, ինչը, ըստ էության, համարժեք է նման համայնքներում տեղական ինքնակառավարման դադարեցման, փոխարենը պետական կառավարում մտցնելուն։ Մինչդեռ ՀՀ Սահմանադրությունը տեղական ինքնակառավարումը երաշխավորում է ՀՀ ամբողջ տարածքում։

1996 թվականից սկսած բոլոր կառավարությունները տրվել են օրենսդրորեն կամ ադմինիստրատիվ ճանապարհով ՏԻՄ-երի նկատմամբ տոտալ վերահսկողություն հասնելու հրապույրին։ Սա անցած 25 տարիներին համայնքների՝ ֆինանսապես թույլ, պետությունից կախված մնալու, երկրում ապակենտրոնացման ցածր մակարդակի պահպանման պատճառներից մեկն է եղել։ Բայց, միաժամանակ, անցած տարիներին հաջողվել է հասնել համայնքների ինքնուրույնության ու պաշտպանվածության որոշակի մակարդակի։

Երևան քաղաքի պարագայում (որտեղ քաղաքապետն ընտրվում է ավագանու կողմից և իր կազմից) քաղաքական մեծամասնությանը կոչ եմ անում հարգել Երևանի ավագանու ինքնավարությունը, Երևանի քաղաքապետի ընտրության հարցում Երևանի ավագանու բացառիկ իրավասությունը։ Ընդունելով հանդերձ քաղաքական մեծամասնության մանդատը նաև Երևանի ավագանու պարագայում՝ այնուամենայնիվ, նման քննարկումները պետք է անցկացնել ու որոշումները պետք է կայացնել առավելապես ներկուսակցական հարթակներում՝ չվնասելով քաղաքային իշխանությունների հանրային հեղինակությանը»:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Էմին Երիցյան | համայնքների ղեկավարներ

Դիտել նաև

Քաղաքական 15 01 2022

Համայնքի ղեկավարի պաշտոնակատարը Վեդիում չի կարող բնակավայրերի վարչական ղեկավարներ նշանակել. Էմին Երիցյան

Գոյություն չունեցող հաստիքներում, գոյություն չունեցող վարձատրությամբ նշանակումներ չեն կարող արվել․ Հայաստանի համայնքների միության նախագահ

Պաշտոնական 17 12 2020

Պաշտպանության նախարարը հանդիպել է Սյունիքի մարզի համայնքների ղեկավարների հետ

Սահմանագծի փոփոխություններով պայմանավորված՝ հակառակորդի թիրախում են հայտնվելու Սյունիքի մի շարք բնակավայրեր, այդ թվում՝ մարզկենտրոն Կապանը

Քաղաքական 09 09 2019

Համայնքներում բոլոր կուսակցությունները 0-ական նշաձողի վրա են. Էմին Երիցյան

Համամասնականին անցումը կնշանակի «տեղական տորթը» կուսակցությունների միջև պատառ-պատառ անել․ կարծիք

Հասարակություն 15 12 2018

04:48

Ավագանին Հայաստանում կցորդ է․ Համայնքների միության նախագահ

Ինչպե՞ս զարգացնել ավագանու ինստիտուտը Հայաստանում

Քաղաքական 01 10 2018

Արարատի մարզպետն իրավունք չունի պահանջել Ուրցաձորի համայնքապետի հրաժարականը․ Երիցյան․ News.am

Համայնքապետը կարող է տեղական հանրաքվեով պարզել իր լեգիտիմությունը․ Համայնքների միության նախագահ