Արարատի մարզպետն իրավունք չունի պահանջել Ուրցաձորի համայնքապետի հրաժարականը․ Երիցյան․ News.am

Արարատի մարզպետ Գարիկ Սարգսյան իրավասություն չունի պահանջել կամ հորդորել, որ Ուրցաձորի համայնքապետը հրաժարական տա: Այս մասին News.am-ի հետ զրույցում ասաց Հայաստանի Համայնքների միության նախագահ Էմին Երիցյանը՝ անդրադառնալով վերջին օրերին Ուրցաձորի համայնքապետի հրաժարականը պահանջելու հարցին:

«Որևէ մարզպետ ընդհանրապես նման իրավասություն չունի և դա օրենքի խախտում է: Երբ որ մարզպետն իր պաշտոնավարման ընթացքում, թեկուզ ակնարկում, թեկուզ հոդորում է դա,  ինչքան գիտեմ, քրեական օրենսգրքով հատուկ հոդված կա, կոչվում է պետության միջամտություն: Ուրիշ  բան կլիներ, որ մարզպետը որպես քաղաքական գործիչ աշխատանքային ժամերից դուրս ինչ-որ հայտարարություններ աներ, բայց եթե դա արվում է պաշտոնավարման ընթացքում, դա պետական մարմնի միջամտություն, այդ իրավունքը բացարձակապես չունի: Մարզպետարանները իրավունք չունեն նաեւ համայնքապետարաններում ստուգումներ անցկացնել: Հիմա թացը չորի հետ խառնված մի վիճակ է, դա պայմանավորված է նրանով, որ մեր մարզպետներն ու մարզպետարանները իրավական վակուումում են գործում, իրավական որևէ ակտ չկա, որ այդ գործունեությունը կարգավորի»,- ասաց նա՝ նշելով, որ խնդիրը լուծելու համար պետք է երկխոսություններ կազմակերպել կողմերի միջեւ:

Անդրադառնալով նրան, որ ՀՀ վարչապետ Նիկոլ Փաշինյանը լրագրողների հետ զրույցում խոհուրդ էր տվել համայնքի ղեկավարներին հրաժարական տալ, մասնակցել արտահերթ ընտրություններին և նման կերպ ապացուցել իրենց լեգիտիմությունը, ասաց, որ լեգիտիմություն ապացուցելու համար այլ մեթոդ գոյություն ունի, այն է՝ տեղական հանրաքվեն:

«Վարչապետի այդ հորդորի մեջ կարող է ինչ-որ գաղափար կա, բայց մեխանիզմ այդպիսի գոյություն չունի: Համայնքապետը կարող է տեղական հանրաքվե անցկացնել և պարզել իր լեգիտիմությունը: Սակայն, միևնույն է, որոշումն էլի համայնքապետն է կայացնում՝ հրաժարական տալ, թե չտալ»,- ասաց նա:

Նյութն ամբողջությամբ կարդացեք News.am-ում։