17 05 2021

ԱԺ-ի մոտ էշով ակցիա իրականացրած քաղաքացու տանը թմրանյութ են փնտրում

ԱԺ-ի մոտ էշով ակցիա իրականացրած քաղաքացու տանը թմրանյութ են փնտրում

Էշով Նիկոլ Փաշինյանի հետեւից Երեւան եկած նրա համերկրացի Սեւադա Ղուկասյանի տանը այս պահին խուզարկություն են կատարում, ոստիկանները Ղուկասյանի տանը թմրանյութ են փնտրում։

«Ոստիկանությունը եկել, իմ իրերն է քրքրում, թմրամիջոց են փնտրում։ Ոստիկանությունն ինձ ուզում է հիմարի տեղ դնել, խոսքս ծառայողներին չի վերաբերում, այլ Ոստիկանությանը»,–  ասել է Սևադա Ղուկասյանը։

Հիշեցնենք՝ օրեր առաջ Իջևանի բնակիչը, մի խումբ իջևանցիների խնդրանքով, էշը վերցրած, եկել էր Ազգային ժողովի դարպասների մոտ և սպասում էր Նիկոլ Փաշինյանին: 

ԱԺ բակից Սևադա Ղուկասյանին բերման էին ենթարկել ոստիկանության Արաբկիրի բաժին, որտեղ փորձել էին նրա գրպանում «հայտնաբերել» ինչ-որ դեղնականաչավուն զանգված։

 

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ