Վրաստանը երկարաձգել է ավիահաղորդակցության արգելքը

Վրաստանը  երկարաձգել է ավիահաղորդակցության արգելքը բոլոր երկրների հետ: Այս մասին հայտնում է РИА Новости-ն՝ հղում տալով երկրի Քաղաքացիական ավիացիայի գործակալությունը:

«Ավիահաղորդակցության արգելքը երկարաձգվել է մինչև մայիսի 10-ը: Այս որոշման մասին Քաղաքացիական ավիացիայի գործակալությունն արդեն հայտնել է ավիաընկերություններին, որոնք չվերթներ էին իրականացնում դեպի Վրաստան»,- ասվում է գերատեսչության հայտարարության մեջ:

Բացի այդ, արգելվել է մուտքն ու ելքը 4 խոշոր քաղաքներից՝ Թբիլիսիից, Բաթումից, Քութայիսից և Ռուսթավից: Երկրում ներկա պահին նաև պարետային ժամ է գործում 21:00-ից մինչև 6:00-ն:

Վերջին տվյալներով՝ Վրաստանում կորոնավիրուսով վարակվածների թիվը հասել է 336-ի, 74 մարդ ապաքինվել է, 3-ը՝ մահացել: