Համընդհանուր կարանտին՝ Վրաստանում․ երկրով մեկ կստեղծվեն շտաբներ

Վրաստանում հայտարարվել է համընդհանուր կարանտին: Այս մասին հայտնում են Վրաստանում ՀՀ դեսպանության ֆեսյբուքյան էջում:

«Վրաստանում հայտարարվում է համընդհանուր կարանտին, այդ մասին կառավարությունում հրավիրած արտակարգ մամլո ասուլիսին հայտարարել է վարչապետ Գիորգի Գախարիան՝ նշելով, որ կարանտինի մասին որոշումն ուժի մեջ կմտնի մարտի 31-ին առավոտյան ժամը 08:00-ին: Երկրի ողջ մասշտաբով կստեղծվեն շտաբեր, որոնք կվերահսկեն կարանտինային ռեժիմը:

Ըստ համընդհանուր կարանտինի՝

Երեկոյան ժամը 21:00-ից մինչև առավոտյան 06:00-ն արգելվում է տնից դուրս գալ

70-ից բարձր տարիքի անձանց ընդհանրապես արգելվում է տնից դուրս գալ

Արգելվում է 3-ից ավելի մարդկանց նույն տարածքում հավաքվել՝ ցանկացած հանրային վայրում, բացի դեղատներից և մթերային խանութներից

Թույլատրելի ժամերին տնից դուրս գալու դեպքում պետք է ունենալ անձնագիր

Մեքենայի մեջ կարող են լինել առավելագույնը 3 հոգի, որից երկուսը՝ մեքենայի ետևի նստատեղին»։