19  09  2019

Վարչապետն այցելել է Հանրային հեռուստաընկերություն

Վարչապետն այցելել է Հանրային հեռուստաընկերություն

Վարչապետ Նիկոլ Փաշինյանն այցելել է Հայաստանի հանրային հեռուստաընկերություն: Վարչապետը շրջայց է կատարել հեռուստաընկերությունում, մասնավորապես, եղել է արխիվի նոր մասնաշենքում՝ ծանոթացել կատարված աշխատանքներին և տեղադրված նոր տեխնիկական միջոցներին: Արխիվային նոր մասնաշենքը համալրվել է թվայնացման և արխիվային նյութերի վերականգնման ժամանակակից սարքավորումներով՝ JICA պետական գործակալության աջակցությամբ:

Կառավարության ղեկավարը եղել է նաև եթերային բաժնում, որտեղ նրան են ներկայացվել հեռուստաեթերի բովանդակային և տեխնիկական որակի բարձրացման ուղղությամբ իրականացված աշխատանքները:

Այնուհետև վարչապետը խորհրդակցություն է անցկացրել Հանրային հեռուստաընկերության ղեկավար անձնակազմի և ստեղծագործական խմբի ներկայացուցիչների հետ, որի ընթացքում ներկայացվել է Առաջին ալիքի աշխատանքային հաշվետվությունը:

Կառավարության ղեկավարը ներկա է գտնվել նաև Հանրային հեռուստաընկերությունում կազմակերպված «Ժամանակների խաչմերուկ» համերգ-նախագծի նկարահանմանը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ