Դրդում են, որ անցնենք ընդհատակ․ Գրավատների ներկայացուցիչները բողոքում են

Կառավարության առջև «Մի զրկեք մեզ աշխատանքից», «Մենք բարեխիղճ հարկատու ենք», «Երկիրն այսպես չես կառուցի», «Նախագիծը հիմք չունի», պաստառներով կրկին բողոքի ակցիա են իրականացնում գրավատան և փոխանակման կետերի աշախատակիցները:

Նրանց պահանջն անփոփոխ է. վերախմբագրել «Պետական տուրքի մասին» ՀՀ օրենքում սպասվող փոփոխությունները, ըստ որոնց 60 անգամ, այն է՝ 6000 տոկոսով, ավելացվելու է նշյալ ոլորտների պետական տուրքը․ գրավատների համար ներկայիս 100 000 դրամի փոխարեն սահմանվելու է 6 մլն, փոխանակման կետերի համար՝ 50 000-ի փոխարեն 3 մլն դրամ պետական տուրք:

Գրավատան աշխատակիցներն արդեն հանդիպել են Կենտրոնական բանկի և Ֆինանսների նախարարության ներկայացուցիչների հետ, սակայն հանդիպման ընթացքում որևէ հստակ պայմանավորվածություն չեն ունեցել:

Այժմ կառավարության առջև հավաքվածները պահանջում են հանդիպում վարչապետ Նիկոլ Փաշինյանի հետ, քանի որ ըստ նրանց՝ վարչապետը իրավիճակին չի տիրապետում:

Ակցիայի մասնակցիները նշում են, որ սպասվող փոփոխությունները միտված են նրան, որ գրավտաներն ու փոխանակման կետերը փակվեն. այլ հիմնավորում նրանք չեն տեսնում:

Ցուցարարների խոսքով, պետական տուրքի 60 անգամ բարձրացնելու դեպքում մեծ է գրավատների և փոխանակման կետերի ստվերում գործելու հավանականությունը։