Ինչպե՞ս 10 րոպեում ավելի երջանիկ դառնալ

Այս ծրագրում ընդամենը վեց հարց է, սակայն այն Ձեր կյանքն ավելի երջանիկ կդարձնի, եթե Դուք դրան 10 րոպե տրամադրեք՝ ավելի քիչ, քան սովորաբար ծախսում եք սուրճ խմելու վրա, գրում է BBC-ն։

Ամենայն հավանականությամբ, Դուք ոչ մի հոգեբանական շեղում չունեք, սակայն ամենօրյա սթրեսը, համենայն դեպս, քամում է Ձեր ուժերը՝ զրկելով կյանքից բավականություն ստանալու զգացումից։

Որպեսզի դուրս գաք այդ վիճակից, պետք է դիմեք պոզիտիվ հոգեբանությանը։ Դուք կասեք՝ ժամանակ չունեմ, իսկ Ձեզ կօգնի Սենդի Մաննը՝ Լանկաշիրի կենտրոնական համալսարանի դասախոսը։ Փորձելով Ձեզ օգնել՝ նա կասի, որ կա հեշտ տարբերակ։ Պարզապես պատասխանեք այս հարցերին․

1. Ո՞ր իրադարձություններից և երևույթներից եք հաճույք ստացել․ դրանք կարող են լինել անգամ ամենասովորական պահերը։
2. Ինչի՞ համար են Ձեզ գովաբանել։
3. Ինչո՞ւմ է այսօր Ձեզ ժպտացել հաջողությունը, ո՞ր դեպքերում է հաջողությունը Ձեր կողմից եղել։
4. Ինչի՞ եք Դուք հասել, թեկուզ ամենափոքրիկ նվաճումները հիշեք։
5. Ո՞ր դեպքերում և ինչի՞ց եք երախտագիտության զգացում ունենում։
6. Ինչպե՞ս եք բարություն ցուցաբերել։

Այս հարցերին պատասխանելը կօգնի Ձեզ ևս մեկ անգամ հիշել՝ Ձեր կյանքում ամեն ինչ այդքան էլ վատ չէ, և ուրախանալու շատ առիթներ ունեք։