«Վիվարո»-ի գույքը վնասել է Փաշինյանի չսափրվելու պատճառով․ Shamshyan.com

ՀՀ վարչապետի պաշտոնավարման 100 օրվա կապակցությամբ հետաքրքիր դեպք է տեղի ունեցել Երեւանում։ Ինչպես հայտնում է Shamshyan.com-ը, մի քաղաքացի Երեւանի Արաբկիր և Կենտրոն վարչական շրջաններում վնասել է «Վիվարո» բուքմեյքերական ընկերությանը պատկանող մի քանի գրասենյակների դռներ ու պատուհաններ։

Երբ ոստիկանները հայտնաբերել են «հերոսին», վերջինս իր արարքը բացատրել է հետեւյալով՝ ինքը խաղադրույք է կատարել այն բանի վրա, որ իր պաշտոնավարման 100 օրվա առիթով Նիկոլ Փաշինյանը Հանրապետության հրապարակում ժողովրդին կներկայանա սափրված։

Երբ դա տեղի չի ունեցել, որոշել է վրեժը լուծել բուքմեյքերական ընկերության գույքից։ Գ.Շամշյանի տեղեկություններով փաստի առթիվ ոստիկանության Արաբկիր եւ Կենտրոնական բաժիններում նյութեր են նախապատրաստվում։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: 

Նյութն ամբողջությամբ կարդացեք Shamshyan.com-ում։