Ենթադրում եմ՝ կշարունակեմ պաշտոնավարել. Վիրաբյան․ 168․am

Հայաստանում տեղի ունեցած իշխանափոխությունից շաբաթներ անց ՀՀ տարածքային կառավարման նախարար Սուրեն Պապիկյանը հայտարարել էր, որ Հայաստանի Ազգային արխիվի հարցով դիմել է գլխավոր դատախազ Արթուր Դավթյանին։

Նշենք, որ Ազգային արխիվը գտնվում է տարածքային կառավարման նախարարության ենթակայության ներքո։

Նախարարի այդ հայտարարությունից հետո Ազգային արխիվի տնօրեն Ամատունի Վիրաբյանը հայտարարեց, որ նախարարն իրենից պահանջել է ներկայացնել հրաժարականի դիմում, սակայն ինքը չի գրել և չի գրելու, քանի որ իր աշխատանքային գործունեության ընթացքում թույլ չի տվել այնպիսի սխալ, որի համար պետք է հրաժարական տա։ Ինչ վերաբերում է Դատախազություն դիմելուն, Ա. Վիրաբյանն ասել էր, որ նախարարն այդ քայլին գնացել է այն պատճառով, որ ինքը սեփական կամքով հրաժարականի դիմում չի ներկայացրել։

168.am-ի հետ զրույցում Ամատունի Վիրաբյանը նշեց, որ հրաժարականի դիմում չի ներկայացնելու և այս պահին էլ շարունակում է ղեկավարել Ազգային արխիվը։

«Տարածքային կառավարման նախարարը դիմել էր Դատախազություն, վերջինս ուսումնասիրություններ կկատարի, և առաջիկայում ամեն ինչ պարզ կլինի։ Հրաժարական չեմ ներկայացրել, ենթադրում եմ, որ կշարունակեմ պաշտոնավարել»,- նշեց Ա. Վիրաբյանը։

Նյութն ամբողջությամբ կարդացեք 168.am-ում։