ՔՊ-ականի կինը կնոջ է գցել մեքենայի տակ, ով մահացել է․ Բաղդասարյանի կինն ազատության մեջ է․ Hraparak.am

«Հրապարակ»-ի տեղեկություններով՝ ՔՊ-ական նախկին պատգամավոր, փաստաբան Նիկոլ Բաղդասարյանը կինը՝ Հռիփսիմե Գրիգորյանը, սեպտեմբերի 19-ին Ռուբինյանց փողոցում իր վարած «Տոյոտա» 08 RG 808 ավտոմեքենայով վրաերթի է ենթարկել 78-ամյա Սիլվարդ Վարդանյանին, ով մարմնական վնասվածքներով տեղափոխվել է «Սուրբ Գրիգոր Լուսավորիչ» Բ/Կ, որտեղ նույն օրը մահացել է: Դեպքի վերաբերյալ նախաձեռնվել է քրեական վարույթ։

Փաստացի՝ ՔՊ-ականի կնոջ պատճառով մարդ է մահացել։

Ներքին գործերի նախարարությունից «Հրապարակ»-ին հաստատել են լուրը՝ հայտնելով միայն, որ սեպտեմբերի 19-ին Ռուբինյանց փողոցում մահվան ելքով վրաերթ է եղել։ 

Մարդ է մահացել, դեպքից անցել է 4 օր, սակայն վրաերթի մասին Քննչական կոմիտեն որեւէ տեղեկություն չի հրապարակել։ Թերևս պատճառն այն է, որ «սպանողը» շարքային քաղաքացի չէ, այլ ՔՊ-ականի կին է։ 

Նույն Նիկոլայ Բաղդասարյանը պատգամավոր եղած ժամանակ բողոք էր գրել մի քաղաքացու դեմ, ով մեծ արագությամբ հեծանիվով սլացել էր իր կողքով՝ փաստը ներկայացնելով որպես «իշխանության ներկայացուցչի նկատմամբ բռնություն»։ Բաղդասարյանի բողոքի հիման վրա Էջմիածին քաղաքի բնակիչ Ա․ Ալեքսանյանը կալանավորվեց, իսկ Բաղդասարյանի կինը, որը վրաերթի է ենթարկել տարեց կնոջը, ազատության մեջ է, ավելին, իրավապահները ենթադրաբար թաքցրել են մահվան ելքով վթարի վերաբերյալ տեղեկությունը։

Շարունակությունը՝ սկզբնաղբյուր կայքում