Երկիրը ողողված է հանցագործության հսկայական ալիքով․ Մհեր Մելքոնյան

Մհեր Մելքոնյանը ֆեյսբուքյան իր էջում գրում է․ Այն, որ 2018 թվականի իշխանազավթումից հետո Հայաստանում իրավական պետության մասին խոսք լինել չի կարող, միանգամայն հասկանալի է։ Դա պարզ է նաև ցանկացած մարդու համար, ով գոնե մի փոքր ծանոթ է գործերի իրական վիճակին։

ՀՀ-ում կատարվող իրավական «բեսպրեդելի» ողջ մասշտաբը տեսնելու համար պարզապես պետք է աչք չփակել գործող իշխանությունների հանցագործությունների և չարաշահումների վրա, որոնք կատարվում են ամեն օր։

Աչք չփակել ցանկացած այլակարծության հետապնդման, հայրենավաճառության, ընդդիմադիր գործիչների ձեռբակալման, բանակում կատարվող սպանությունների, ավազակային հարձակումների, թմրանյութերի անօրինական շրջանառության, շինծու հարյուրավոր քրեական գործերի և այլ անօրինությունների վրա:

Մեր երկիրը ողողված է հանցագործության հսկայական ալիքով, և իրավական այս քաոսի ստեղծողները, ոգեշնչողները և ղեկավարողները ներկայիս ՔՊ-ական կառավարիչներն են՝ նրանք, ովքեր իշխանության եկան այն զավթելու ճանապարհով:

Հենց նրանք են կրում ամբողջ պատասխանատվությունը Հայաստանի Հանրապետությունում հանցագործության աննախադեպ աճի և հասարակության քրեականացման համար։

Հենց նրանք հայտարարեցին, որ ՀՀ-ում արմատախիլ են անելու համակարգային կոռուպցիան, բայց իրականուն թավշյա «հեղափոխականները» դարձան պետական թալանի թիվ մեկ հովանավորողները։

Հենց նրանք էլ իշխանությունը պահելու համար հանձնեցին Արցախը, դավաճանեցին արցախահայերին, անտեսեցին մեր պետական և ազգային շահերը, սկսեցին սպասարկել նեղ անձնական և թուրք-ադրբեջանական տանդեմի շահերը, կազմաքանդեցին դատական համակարգը, ոտնահարեցին սահմանադրությունն ու օրենքները․․․

Նրանք ոչ միայն ի վիճակի չեղան արդյունաբեր կառավարել պետությունը, այլեւ դիտավորյալ ոչնչացրեցին տարիներով ստեղծված արժեքները։

Գործող խունտան իր անօրեն քայլերով ոչնչացնում է տնտեսությունը, ոչնչացնում է սոցիալական համախմբվածությունը, ոչնչացնում է մարդկանց հավատը ապագայի նկատմամբ, ոչնչացնում է ժողովրդավարությունը, ոչնչացնում է արդարությունը, ոչնչացնում է մեր անկախ պետականությունը, ոչնչացնում է ազգային կրթությունն ու մշակույթը․․․

Փառամոլության և իշխանության նրանց անվերջ ծարավը երկիրը կանգնեցրեց անօրինականության և կործանման անդունդի եզրին:

Համբերությունն անվերջ չէ․․․․