ԱՄՆ-ն անհանգստացած է Հայաստանում գտնվող ադրբեջանցի զինվորի համար

«Միացյալ Նահանգները անհանգստացած է Հայաստանում ադրբեջանցի զինվորի նկատմամբ բռնություն ցուցադրող տեսանյութից։ Մենք կոչ ենք անում Ադրբեջանին և Հայաստանին լուծել բոլոր չլուծված խնդիրները խաղաղ բանակցությունների միջոցով»,- ասվում է Ադրբեջանում ԱՄՆ դեսպանատան հայտարարության մեջ։

Նշենք, որ Ադրբեջանում Մեծ Բրիտանիայի դեսպան Ֆերգյուս Օլդն էլ, իր հերթին, թվիթերյան էջում դատապարտել է Հայաստանում հայտնաբերված ադրբեջանցի զինվորականի նկատմամբ վերաբերմունքը։ Նա գրել է․ «Սարսափելի է տեսնել ադրբեջանցի զինվորի նկատմամբ բռնության մասին տարածված տեսանյութ։ Միջազգային մարդասիրական իրավունքով նման վերաբերմունքն անընդունելի է։ Նման միջադեպերը պետք է դատապարտվեն, եթե ցանկանում ենք կայուն խաղաղություն հաստատել տարածաշրջանում»։

Հիշեցնենք, որ երեկ՝ ապրիլի 13-ին, Սյունիքի մարզում հայտնաբերվել է ադրբեջանցի զինծառայող, որը որոնվում էր ապրիլի 10-ից։ Նախապես հայտարարվել էր, ևս մեկի ձերբակալման մասին։ Երկու զինծառայողին էլ հայտնաբերել են քաղաքացիները։

Ապրիլի 13-ին ձերբակալված ադրբեջանցի զինվորը, ըստ իր հայտարարության, Հայաստանում մարդ է սպանել։

Հիշեցնենք նաև, որ Նիկոլ Փաշինյանը ապրիլի 12-ին Ազգային ժողովում հայտարարեց, թե ադրբեջանցի զինծառայողները փախել են զորամասից վատ գերաբերմունքի պատճառով, նրանցից մեկը չի ցանկանում վերադառնալ, մյուսն էլ, իր տեղեկություններով, ցանկությունէ հայտնել վերադառնալ։