06 06 2022

Վաղը 10։00-ին հանդիպում ենք Ֆրանսիայի հրապարակում․ երթով շարժվելու ենք ԵՄ ներկայացուցչություն․ Իշխան Սաղաթելյան



Ֆրանսիայի հրապարակում շարունակվող հանրահավաքի մասնակիցները ծափերով ողջունեցին Արցախի Հանրապետության ընդդիմադիր քաղաքական ուժերին, որոնք այսօր հանդիպել են պայքարի դուրս եկած Հայաստանի ընդդիմադիր ուժերի ղեկավարների, ներկայացուցիչների հետ և որոշել աշխատանքներ իրականացնել Արցախում, Հայաստանում և Սփյուռքում՝ Շարժման ընդլայնման ուղղությամբ։

«Հույս հայտնենք, որ մնացած քաղաքական ուժերը ևս կմիանան այս պահանջին, որովհետև այս պահանջը հանուն Արցախի և հանուն Հայաստանի է»,- այս առնչությամբ հանրահավաքի ժամանակ ասաց ԱԺ փոխնախագահ, «Հայաստան» խմբակցության պատգամավոր, Դիմադրության շարժման կազմակերպիչներից Իշխան Սաղաթելյանը։
Նա ընդգծեց՝ պայքարին միացել է նաև Սփյուռքը․ վերջին մեկ ամսվա ընթացքում Սփյուռքի տարբեր գաղթօջախներում Դիմադրության շարժման օջախներ են ձևավորվել, բազմաթիվ գաղութներում երթեր, ցույցեր հանրահավաքներ են տեղի ունեցել։

«Այսինքն, այս կարևոր փաստը՝ Հայաստան-Արցախ-Սփյուռք եռամիասնությունը ամբողջությամբ վերականգնելու ենք»,- ասաց Իշխան Սաղաթելյանը։

Իշխան Սաղաթելյանը ներկայացրեց նաև վաղվա անելիքները։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ