Սրանց հեռացնելուց հետո մենք տեր ենք մեր երկրի պաշտպանությանն ու անվտանգությանը. Իշխան Սաղաթելյան

«Քիչ առաջ Ադրբեջանի նախագահ Ալիևը թվիթերյան գրառում է արել, որտեղ ասում է. «Բոլորը պետք է իմանան պատմությունը. 1920 թվականի Սովետական միության որոշմամաբ մեր պատմական հողը՝ Արևելյան Զանգեզուրը բաժանվեց Ադրբեջանից և տրվեց Հայաստանին: Սա պատմական անարդարություն էր մեր ժողովրդի նկատմամբ»:

Երբ մենք ասում ենք, որ վտանգը միայն Արցախով չի սահմանափակվում, այս մարդիկ կտոր-կտոր հանձնելու են մեր հայրենիքը ու բոլոր նրանք, ովքեր մտածում են, թե այս աղետն իրենց դուռը չի չոքելու, իրենց բնակարաններում սպասում են, հենց սրա մասին ենք ասում»,- Ֆրանսիայի հրապարակում երթից հետո հանրահավաքի ժամանակ ասաց Իշխան Սաղաթելյանը:

«Ակնհայտ է, չէ՞, որ թշնամին հավակնություն ունի թե՛ Սյունիքի նկատմամբ, թե՛ այս ժամանակահատվածում որոշակի առաջընթաց է ունեցել Հայաստանի ինքնիշխան տարածքում, և եթե այս դավաճանները մնան, հետևողականորեն թուլացնեն մեր երկրի պաշտպանությունը, վերջնականապես բանակը տանեն կազմաքանդման, թշնամին շարժվելու է դեպի Հայաստան, մինչև Երևան»:

Ավելին՝ տեսանյութով: