11 04 2022

Սարսափելի է․ վիճակախաղերում ներգրավվածների թիվը 2018 թ-ի 18.300-ի դիմաց 2020-ին հասել է 44.082-ի․ Մինասյան



 ԱԺ ֆինանսավարկային և  բյուջետային հանձնաժողովը քննարկում էր «Շահումով խաղերի, ինտերնետ շահումով խաղերի և խաղատների մասին» օրենքում և հարակից օրենքների փաթեթում առաջարկվող փոփոխությունների նախագիծը, որով արգելվում է կանխիկ ձևով և էլեկտրոնային դրամապանակներից լիցքավորել բուքմեյքերական հաշիվները: 

«Հաաստան» խմբակցության պատգամավոր Արծվիկ Մինասյանն իր հարցադրումներով բարձրաձայնեց որոշակի մտահոգություններ․

«Վիճակախաղերում կամ շահումով խաղերում ներգրավվածների վիճակագրությունը բավական մտահոգիչ է՝ մասնակիցների թիվը 2018 թ.-ի 18.300-ի դիմաց 2020 թ.-ին հասել է 44082-ի, սա  մեծ հաշվով սարսափելի ցուցանիշ է»,- ասաց պատգամավորը։

Արծվիկ Մինասյանը  նաև նշեց, որ խաղային բիզնեսում շրջանառվող 3.9 տրիլիոն դրամը համախառն  ներքին արդյունքի 1/2-ն է և եթե դրանք ներառվեն պետության համախառն ներքին արդյունքի մեջ, ապա մուլտիպլիկատիվ էֆեկտը շատ մեծ կլինի:

Կառավարության ներկայացուցչի արձագանքից հետո, պատգամավորն ընդգծեց, որ ներկայում շահած քաղաքացին չի հարկվում և իր բարձրացրած խնդիրը դա է։

Մանրամասն՝ տեսանյութում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ