Մարդիկ շնորհակալություն են հայտնում, որ ծխելու արգելքից հետո նոր հաճախորդներ են ավելացել. Փոխնախարար

Մենք կողմ ենք եղել, որպեսզի լինի առանձին միջավայր, որտեղ մարդիկ գալիս են միայն ծխելու նպատակով, որով ոչ մեկի իրավունքներ չեն խախտվի, բայց հիմա ունենք օրենք, որն ուժի մեջ է մտել: Այս մասին ԱԺ-ում անրային սննդի օբյեկտներում ծխելու արգելքի մասին քննարկման ժամանակ ասաց Էկոնոմիկային փոխնախարար Անի Իսպիրյանը։ 

«Գործարար միջավայրի տեսանկյունից շատ կարևոր է կանխատեսելիությունը, որովհետև մշտական փոփոխությունները կարող են բացասական  ազդեցություն ունենալ։ Այս փուլում կարծում ենք՝ քանի որ օրենքը արդեն ընդունված է, պետք է թողնել անփոփոխ, որովհետև տնտեսվարողները արդեն համապատասխանեցրել են իրենց գործունեությունը այս օրենքին»։

Ինչ վերաբերում է հնչող կարծիքներին, փոխնախարարն ասաց, որ իրենց հիմնականում դրական կարծիքներն են հասել. «Հնչեցվեց, որ բացասական կարծիքներ են հնչում։ Եթե կարծիքներից ենք խոսում, ունենք շատ հակառակ՝ դրական կարծիքներ»: