Այսօր այս իշխանությունները մասնակցում են հայի ու պետականության վերացմանը․ Մետաքսե Հակոբյան

44 օր մարդու իրավունքների պաշտպանության բաստիոն հանդիսացող Եվրոպան լռում էր, երբ  Արցախում կոտորում, սպանում ու սպանդի էին ենթարկում մի ողջ հայության։ Այսօր այս հարթակը պետք է օգտագործենք և եվրոպացիների ականջներն ու աչքերը բացենք։ Կարեն Դեմիրճյանի անվան մարզահամերգային համալիրի մոտ բողոքի ակցիայի ժամանակ հայտարարեց արցախցի պատգամավոր Մետաքսե Հակոբյանը։

Նա նշեց, որ այսօր պետք է բարձրաձայնել  հայ ռազմագերիների հարցը, որոնց մասին լռում են ադրբեջանցիները, այդ մասին, կարծես, Հայաստանի իշխանությունները նույնպես չեն խոսում։

«Պետք է բարձրաձայնել տեղահանված արցախցիների հարցը, որոնցից այսօր Արցախի իշխանությունները կարծես հրաժարվել են, հետ չեն ընդունում՝ պատճառաբանելով, թե չկա այդ հնարավորությունը, իսկ ՀՀ  իշխանությունների համար նրանք ուղղակի բեռ են դարձել»,-ասաց Հակոբյանը։

Հիշեցնենք, որ Կարեն Դեմիրճյանի անվան մարզահամերգային համալիրում ընթանում է Եվրանեսթ խորհրդարանական վեհաժողովի նիստը, ներկա են նաև ադրբեջանցի պատգամավորներ։  Դրսում հավաքված են հասարակական, քաղաքական, մշակությաին գորչծիչներ, քաղաքացիներ՝ իրենց բողոքն արտահայտելով ադրբեջանցի պատգամավորների՝ Հայաստանում գտնվելու փաստից։