Ինչո՞ւ զինծառայողի անհետացման դեպքի վերաբերյալ որևէ պաշտոնական հաղորդագրություն չի եղել. Աբրահամյան

Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը  Կառավարության հետ հարցուպատասխանի ժամանակ օրինակներ բերեց, որ անհայտ հանգամանքներում մարտական դիրքերից զինծառայողներ են անհետացել

«2021 թվականի մայիսի 18-ին պարտադիր ժամկետյաին զինծառայող Նորիկ Մկրտչյանն անհետացել է մարտական դիրքերից: 2021 թվականի մայիսի 24-ին Ռազմական ոստիկանության կողմից հարուցվել է քրեական գործ, հայտարարվել է միջպետական հետախուզում: Մինչև այս պահը Նորիկ Մկրտչյանը չի հայտնաբերվել, ընտանիքի հետ կապ չկա, ինչը փաստում է նրա մոր նամակներն՝ ուղղված Պաշտպանության նախարարությանը։ 2021 թվականի նոյեմբերի 12-ին հայ-ադրբեջանական սահմանի ուղղություններից մեկով մարտական հենակետերից մեկում կորել է պայմանագրային զինծառայող. այս պահի դրությամբ նրա գտնվելու վայրի մասին որևէ տեղեկություն չկա» :

Ի դեպ, պատգամավորը հայտնեց, որ երկրորդ զինծառայողի անհետացման դեպքի վերաբերյալ որևէ պաշտոնական հաղորդագրություն չի եղել։

Աբրահամյանը Պաշտպանության նախարար Սուրեն Պապիկյանից հետաքրքրվեց՝ ի՞նչ է հայտնի ՊՆ-ին զինծառայողների անհետացման հանգամանքների մասին, արդյոք ձեռնարկվել են հնարավոր բոլոր միջոցները գործի հանգամանքները բացահայտելու ու զինծառայողներին հայտնաբերելու համար:

Մանրամասն՝ տեսանյութում։