Դուք լո՞ւրջ եք վերաբերում նման կարգի նշանակումներին․ Քոչարյանը՝ Պաշտպանության նոր նախարարի մասին

Բանակի ներսում էական ոչինչ չի կատարվում։ Չեմ տեսնում իշխանության կողմից որևէ քայլ, որ ուղղված է բանակի մարտունակության բարձրացմանը, չկան այդ քայլերը։ Տպավորությունն այնպիսին է, որ սա առաջնահերթություն չէ իշխանությունների համար։ Երեք հեռուստաընկերություններին տված հարցազրույցում ասել է ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Անդրադառնալով վերջին պաշտոնանկություններին ՊՆ ոլորտում և լրագրողի դիտարկմանը, որ պաշտպանության նոր նախարարի անուն է շրջանառվում՝ Արշակ Կարապետյան, Ռոբերտ Քոչարյանն արձագանքեց. «Բռավոր, շնորհավորում եմ, շատ արագ ունենալու ենք մարտունակ բանակ։ Դուք լո՞ւրջ եք  վերաբերում նման կարգի նշանակումներին։ Չեմ կարծում, որ պետք է լուրջ վերաբերվեն նման կարգի փոփոխությունների, չի կարծում, որ այդ փոփոխություններն ինչ-որ մտածված, լուրջ նպատակներ հետապնդող փոփոխություններ են։ Չկա, չի երևում սրա նպատակը։ «Փոփոխություն փոփոխության համար»,  նույն կադրային բանկով, վերափոխումներով իմիտացիա են ստեղծում, թե ինչ որ բան են անում»։

Մանրամասն՝ տեսանյութում։