Ովքե՞ր են Հայաստանի իշխանությունները, եթե նույն հարցի վերաբերյալ ստում են, ինչպես ադրբեջանցիները․ Սարիբեկյան

Էդուարդ Սարիբեկյանն իր ֆեյսբուքյան էջում գրել է․

«Ադրբեջանի արտգործնախարար Բայրամովը ԵԱՀԿ նախագահ Անն Լինդենի հետ հանդիպման ժամանակ ասել է, թե իր երկիրը ռազմական գործողություններից (44-օրյա պատերազմ) առաջ և ընթացքում, համաձայն նոյեմբերի 9-ի եռակողմ հայտարարության, բոլոր ռազմագերիներին վերադարձրել է:

Այսինքն այնտեղ պահվող ՀՀ քաղաքացիներին իրենք որպես ռազմագերի չեն ընկալում: Ավելին՝ նրանք այդ անձանց վերադարձը չեն կապում Հայաստանի ներքին իրավիճակի հետ:

Հա՛մ Բայրամովն է Լինդենին խաբում, թե իրենց մոտ այլևս ռազմագերիներ չկան, հա՛մ մեր իշխանություններն են մեզ խաբում, թե ռազմագերիների վերադարձը կապված է Հայաստանի ներքին իրավիճակի հետ:

Հարց 1. ինչո՞ւ մեր իշխանությունները հապշտապ հանձնեցին ադրբեջանցի երկու դիվերսանտ մարդասպաններին:

Հարց 2. ովքե՞ր են Հայաստանի իշխանությունները, եթե նույն հարցի վերաբերյալ ստում են, ինչպես ադրբեջանցիները:

Հարց 3. դեռ որքա՞ն են մեր հայրենակիցները հավատալու Հայաստանի իշխանություններին»: