14 02 2021

Դիմացիր Արցախ ջան, դիմացիր Հայաստան ջան․ Թևան Պողոսյան

Դիմացիր Արցախ ջան, դիմացիր Հայաստան ջան․ Թևան Պողոսյան

Մարդկային զարգացման միջազգային կենտրոնի ղեկավար Թևան Պողոսյանը ֆեյսբուքյան իր էջում գրել է.

«Տպավորություն ունեմ, թե լավ չենք հասկացել ինչ է տեղի ունեցել: Մարդիկ ապրում են օրվա հոգսերով ու թեմաներով` գների աճից բողոքելով, երկրաշարժ քննարկելով, կռվելով իրար ու ամեն ինչի դեմ: Իսկ այստեղ` Արցախի մնացորդներում հողը դեռ լացում է: Արցախն այսօր ոչ միայն ջարդված ու արյունաքամ է, այլև նման է մի նվաղած մանկան, որի ծնողն իրեն տվել է հարբեցողությանը ու լքել զավակին: Արցախը մնացել է որբ:

Էս ի՞նչ ենք մենք անում: Էս ի՞նչ ենք խոսում ու ինչո՞վ զբաղվում: Ո՞վ է ի վերջո վեր կենալու ու հանգամանալից խոսելու, թե ինչ վիճակում ենք, ինչու հասանք այստեղ և ամենակարևորը` ու՞ր պիտի գնանք ու ոնց: Այս խաղը մենք տանուլ ենք տվել. ո՞վ կխոսի խաղը փոխելու մասին, ո՞վ կարող է ավելի վերևից նայել իրականությանը ու դեռ չտեսնված ու չիմացված ուրիշ ճամփա նկատել` այս մեկն արդեն փակ է: Հիմարություն է ոչինչ չանելը կամ ընդամենը օրվա բերած խնդրով զբաղվելը: Ոչ մի տեղ տանող ճանապարհ է դա:

Դիմացիր Արցախ ջան: Դիմացիր Հայաստան ջան: Դիմացիր Հայրենիք»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ