Արտակարգ դրությունը կերկարաձգվի ևս մեկ ամսով, սա կլինի վերջինը․ Ավինյան

Չնայած այն բանին, որ որոշում է կայացվել արտակարգ դրությունը եւս մեկ ամսով երկարաձգելու մասին, միեւնույն ժամանակ կարող են վերանայվել երկիր արտասահմանյան քաղաքացիների մուտքի սահմանափակումները, արտադրանքի արտահանումը եւ հասարակական միջոցառումներ ու հանդիպումներ անցկացնելու հնարավորությունը: Այս մասին օգոստոսի 5-ին պարետատան գրասենյակի նիստից հետո տեղի ունեցած ճեպազրույցում հայտարարեց փոխվարչապետ, պարետ Տիգրան Ավինյանը:

Նա հավելեց, որ բոլոր վերջնական որոշումները կկայացվեն հետագայում, սակայն, սա, ամենայն հավանականությամբ, կլինի Հայաստանում արտակարգ դրության վերջին երկարաձգումը:

«Տեղի է ունեցել ծրագրային մոդելի առաջին քննարկումը, որը վերաբերում է ուսումնական տարվա սկիզբին: Աշխատանքները կավարտվեն օգոստոսի 10-ին, որից հետո որոշում կկայացվի: Մոդելներ են մշակվում նաեւ այլ ոլորտների համար»,- նշեց Ավինյանը: