21 01 2020

ԱԺ նախագահը ԲՀԿ-ական որոշ պատգամավորների նկատմամբ կարգապահական միջոց կիրառեց

Այսօր Ազգային ժողովում պատգամավորների միջև ծագած վեճից հետո ԱԺ նախագահ Արարատ Միրզոյանը հայտարարեց որոշ պատգամավորների նկատմամբ կիրառվող կարգապահական միջոցի մասին:

«Ազգային ժողովի կանոնակարգ, սահմանադրական օրենքի 52-րդ հոդվածի երրորդ մասի համաձայն՝ հետևյալ պատգամավորների նկատմամբ կիրառվում են հետևյալ կարգապահական միջոցները` պատգամավորներ Ջանիբեկ Հայրապետյանը, Արթուր Դալլաքյանը, Արայիկ Աղաբաբյանը և Գևորգ Պետրոսյանը հեռացվում են մինչև այս օրվա ավարտը կայանալիք նիստերից` զրկվելով այդ ընթացքում դահլիճում ներկա լինելու իրավունքից»,-ասաց Արարատ Միրզոյանը և կարգադրիչներին խնդրեց ապահովել դրա կատարումը:

Հիշեցնենք, որ Ազգային ժողովում պատգամավոր Արման Բաբաջանյանի ելույթից հետո միջադեպ գրանցվեց «Իմ քայլի» և ԲՀԿ խմբակցությունների պատգամավորների միջև:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Մամուլի տեսություն 13 04 2024

ՔՊ-ում ապշած են Արարատ Միրզոյանի նյարդային ծիկերից․ «Հրապարակ»

Միրզոյանն ընդդիմադիր պատգամավորների քննադատական սուր ելույթների ժամանակ ազատություն է տվել էմոցիաներին՝ իր պարտքը համարելով ժեստերով, ձեռքի շարժումներով արձագանքել ելույթներին