28 09 2019

Հայաստանը բազմաթիվ հարցերում արագ փոփոխությունների կարիք ունի․ Էլինար Վարդանյան

Հայաստանը բազմաթիվ հարցերում արագ փոփոխությունների կարիք ունի․ Էլինար Վարդանյան

«Այլընտրանքային նախագծեր» նախաձեռնության անդամ Էլինար Վարդանյանը գրում է. «Դատավոր Դանիբեկյանի նկատմամբ տեղի ունեցածը անթույլատրելի է:

Նույնքան անթույլատրելի էին ճնշումները դատավորներ Ազարյանի և Գրիգորյանի նկատմամբ: Բայց տեղի ունեցածին պատշաճ գնահատական չտալը շղթայաբար բերում և բերելու է նոր ճնշումների: Եթե ամիսներ առաջ ԲԴԽ-ն, Ոստիկանությունը,իշխանության ներկայացուցիչները համարձակություն ունենային չլռել, այսօր խոսելու բարոյական իրավունքը վաստակած կլինեին:

Սա դատարանները շրջափակելու, դատավորների նկատմամբ տարբեր տեսակի հետապնդումների, դատավորներին «վնգստացող» անվանելու արդյունքն է:

Եվ քանի դեռ դատական համակարգը բարեփոխելու փոխարեն, իշխանությունները շարունակում են համակարգի նկատմամբ ճնշումները, ցավոք, նման երևույթները սպասելի են։

Այս մեկ տարվա ընթացքում ձևավորված մթնոլորտն է, որ շատերին ստիպել է մոռանալ մարդու արժանապատվությունը հարգելու կարևոր նորմը:

Հայաստանը բազմաթիվ հարցերում արագ փոփոխությունների կարիք ունի. ներքին թշնամանք, ցուցադրական անօրինականություններ և նման այլ դրսևորումներ մենք երկար ենք հանդուրժում: Ի վերջո այս ամենը մի օր պետք է փոխվի»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ