18  06  2019

Մտածե՞լ եք, թե ինչու է Փաշինյանն Ալիևից շատ հիշատակվում ադրբեջանական մամուլում. Քաղաքագետ



«Նիկոլ Փաշինյանը մի կողմից հայտարարում է, թե ես չեմ կարող ներկայացնել Արցախի շահերը, քանի որ ընտրված չեմ Արցախի կողմից, մյուս կողմից միջամտում է, որ այնտեղ մարդկանց ազատեն աշխատանքից և այլն»,- լրագրողների հետ հանդիպման ժամանակ հայտարարեց Դեմոկրատական կուսակցության նախագահ Արամ Սարգսյանը՝ քննադատելով Արցախի վերաբերյալ վարչապետ Նիկոլ Փաշինյանի քաղաքականությունը:

Քաղաքական գործիչն ընդգծեց, որ ՀՀ իշխանությունների կողմից մինչ օրս չկա հստակ օրակարգ և դիրքորոշում Արցախի հարցի վերաբերյալ, իսկ նման չկողմնորոշվածությունը միայն վնասում է ներկա իրավիճակին և դրա լուծմանը:

Քաղաքագետ Անուշ Սեդրակյանն էլ մտահոգություն հայտնեց իմքայլական պատգամավորներից մեկի այն հայտարարության վերաբերյալ, թե Նիկոլ Փաշինյանն ադրբեջանական մամուլում ավելի շատ է հիշատակվում, քան Ալիևը:

«Այդ պատգամավորը չի հասկանում, որ այդ արտահայտությունը մեծ խնդիր է դիվանագիտական պրակտիկայի համար: Եթե թշնամի երկրի գործիչն ավելի շատ է հիշատակվում մամուլում, ապա նա կամ ակհայտ ռազմատենչ գործիչ է, իսկ դա այդպես չէ, կամ էլ նա խիստ պացիֆիստ գործիչ է, և մամուլը նրա ելույթներից պեղում է հարմար արտահայտություններ և հիշատակում»,- նշեց Անուշ Սեդրակյանը:

Մանրամասն՝ տեսանյութում

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ