Վատ պահվող գոմը՝ հրաժարականի պատճառ

Բելառուսի նախագահ Ալեքսանդր Լուկաշենկոն մի քանի պաշտոնյայի աշխատանքից ազատել է, քանի որ  խիստ բարկացել է՝ ականատես լինելով բարձիթողի վիճակին Շկլովի շրջանի ագրոհոլդինգ կատարած այցի ժամանակ: Այս մասին հայտնում է Tut.by-ը։

Զննման արդյունքում պաշտոններից զրկվել են Մոգիլեւի նահանգապետ Վլադիմիր Դոմանեւսկին, Շկլովսկի շրջգործկոմի նախագահ Վասիլի Վիտյունովը եւ նախագահի՝ Մոգիլեւի մարզի հարցերով օգնական Գենադի Լավրենկովը, վարչապետի տեղակալ Միխայիլ Ռուսին։

«Այս կովը հազիվ է շնչում, տեսնում ես, չէ՞, ինչպես է շարժվում: Ինչո՞ւ եք ինձ այստեղ բերել: Որ հիմա անվտանգության ծառայությանը հանձնարարեմ ձեզ ձեռնաշղթանե՞ր հագցնել, և Կոչանովային (նախագահի աշխատակազմի ղեկավարն է) ձեր հետեւից այնտե՞ղ: Անֆիմովին (Պետական վերահսկողության կոմիտեի նախագահ Լեոնիդ Անֆիմով) նվազագույնը աշխատանքից կհեռացնեմ: Եթե մարդը չի հասկանում, որ սա Օսվենցիմ է: Նա կարծում է, որ սա նորմա՞լ է: Դուք ի՞նչ է, հիվա՞նդ եք: Սա, ախր, Օսվենցիմ է: Եթե նրանք հիվանդ են, այստեղ մաքուր եւ չոր պետք է լինի: Նրանք, ախր, մեկը մյուսի վրա են կեղտոտում, մեկը մյուսի վրա են կանգնած: Այստեղ պետք է մարդ լինի եւ մշտապես մաքրի: Դու, հըլը, նայի այս անասունին:  Նա թրիքի  մեջ է »,- խստորեն մեկնաբանել է Լուկաշենկոն:

«Բացի մարզպետից ու մյուսներից, այստեղ եղել են մարդիկ, որոնք պետք է այդ ամենի համար պատասխանատու լինեին: Բոլորին դանակի տակ առնել: Բոլորին: Քրեական գործ հարուցել՝ օրենքի ամբողջ խստությամբ», - հրահանգել է Բելառուսի նախագահը: